RETA ARI BUP KUDUS | MASMUR 34-37
Arapka Jehovah lalu Ngereja Utai ti Badas
“Anang ngining orang ke ngereja penyalah”
37:1, 2
-
Anang nejuka pemujur orang ke ngereja penyalah ngelimpangka nuan ari nyembah Jehovah. Seruran mengkang beratika berekat rohani enggau juluk ati nuan
‘Panggaika pengarap kita ba Jehovah, lalu kereja utai ti badas’
37:3
-
Pechayaka Jehovah deka nyukung nuan napi asai kakang ati sereta pengirau. Iya deka nulung nuan tetap ati
-
Mengkang kisuk ba pengawa bekunsika berita manah pasal Perintah Petara
‘Gaga ati ke Jehovah’
-
Ngatur jadual kena macha Bup Kudus sereta belematika utai ti dibacha kena ngelala Jehovah enggau manah agi
‘Serahka pengidup nuan ngagai Jehovah’
37:5, 6
-
Enggau pengabis ati pechayaka Jehovah ulih nulung nuan napi mayuh macham penanggul
-
Seruran ngembuan ulah ti manah taja pan diperinsa, disakal tauka orang bisi salah sangka
‘Diau jenuh di mua Jehovah, lalu anti Iya enggau ati ti liat’
37:7-9
-
Anang ngaga pemutus enggau beguai laban tu ulih ngasuh nuan lenyau pengaga ati sereta ulih ngerusak kaul nuan enggau Jehovah
“Orang ke baruh ati deka bempu menua tu”
37:10, 11
-
Ngulihka pemaruh ati, nganti Jehovah muai utai ke enda lurus ke ditapi nuan
-
Nyukung bala menyadi Kristian, lalu merindang sida ke tusah ati, madahka semaya pasal dunya baru ti majak semak
Perintah Petara deka mai mayuh berekat
