PENGIDUP KRISTIAN
Ngemanahka Agi Pengelandik ba Pengawa Nginjil—Ngena Video kena Ngajar
NAMA KEBUAH BEGUNA:
Laban video ulih dipeda sereta didinga, iya ulih masuk ba ati orang mayuh. Video nulung orang ingatka utai ti dipeda sereta meratika enggau manah. Jehovah nunjukka teladan ti manah lebuh ngena utai ke ulih dipeda kena ngajar.—SKR. 10:9-16; Pem. 1:1.
Video Kati Petara Bisi Nama?, Sapa Pengarang Bup Kudus?, sereta Baka Ni Kitai Nemu Utai Ba Bup Kudus Nya Amat? digaga kena nerangka manah agi Pelajar 2 enggau 3 ba brosur Berita Manah. Video Nama Kebuah Belajar Bup Kudus?, Nama Nyadi Lebuh Belajarka Bup Kudus?, sereta Nama Nyadi ba Palan Gempuru? meransang orang belajarka Bup Kudus enggau kitai tauka datai ngagai gempuru. Sekeda ari video panjai ti ngerinduka ati ulih mega dikena lebuh belajarka Bup Kudus.—km 5/13 lamb. 3.
CHARA:
-
Download video ti deka dipandangka ngagai orang ke bempu rumah
-
Sediaka siti tauka dua iti tanya, saut nya ulih dipeda ba video
-
Meda video enggau orang ke bempu rumah
-
Kerandauka penerang ti beguna ari video
UJI TU:
-
Peda lambar belakang surat mit, lalu pandangka kod QR ti muka video Nama Kebuah Belajar Bup Kudus?
-
Tunjukka video Baka Ni Kitai Nemu Utai Ba Bup Kudus Nya Amat? lalu sadung brosur Berita Manah, kelansa Pelajar 3
