Apai indai Kristian keran deka meda anak sida nyadi penyembah Jehovah ti tetap ati. Apai indai ulih nulung anak sida ngereja nya enggau nentuka ajar Bup Kudus bisi ba ati sida kenyau ari mit. (U-dat. 6:7; J-lam. 22:6) Pengawa tu tentu begunaka mayuh awak enggau pengering. Tang apai indai deka bulih upah ti ngagaka ati ari pengawa ke digaga sida.—3 Jhn. 4. Apai indai ulih neladan Josep seduai Maria. ‘Genap taun apai indai Jesus mansang ngagai Jerusalem deka ngintu pengerami Paska,’ taja pan tu ukai senang lalu begunaka belanja. (Luk. 2:41) Tu nunjukka seduai iya ngemeratka utai ti diguna ba pengarap diri sebilik. Kemayaharitu, apai indai ulih ngiring anak sida enggau chara ngajar sereta meri teladan ti manah.—Mas. 127:3-5.

PEDA VIDEO SIDA NGENA SEMUA PELUANG, LALU SAUT TANYA TU:

• Baka ni Jon enggau Sharon Schiller ngenuluka sembah ngagai Jehovah lebuh ngemesaika bala anak?

• Nama kebuah apai indai patut ngajar, ngiring sereta disiplin tiap iku anak enggau chara ti enda sebaka?

• Baka ni apai indai nulung anak sida besedia napi penguji ba pengarap?

• Nama perengka ari gerempung Jehovah ke udah dikena nuan nulung anak nuan nyadi pangan Jehovah