Ba eklisia kitai bisi bala menyadi ke udah bepuluh taun nyembah Jehovah. Kitai ulih belajar mayuh utai ari chara sida bepanggai ba Jehovah. Kitai ulih nanya sida pasal sejarah gerempung Jehovah sereta penanggul ke ditapi sida enggau chara sida mutarka penanggul nya enggau tulung ari Jehovah. Kitai engka ulih mai sida sama enggau pengawa Belajarka Bup Kudus ba Diri Sebilik lalu nanya peneleba manah ari sida.

Enti nuan udah lama nyembah Jehovah, kunsi meh peneleba nuan ngagai sida ke biak agi ari nuan pasal chara Jehovah udah nulung nuan. Jakop enggau Josep bekunsi peneleba seduai iya enggau bala peturun seduai iya. (P-kal. 48:21, 22; 50:24, 25) Udah nya, Jehovah ngasuh tuai bilik ngajar bala anak sida pasal pengawa Iya. (U-dat. 4:9, 10; Mas. 78:4-7) Kemayaharitu, bala apai indai sereta orang bukai ba eklisia ulih madah ngagai sida ke biak agi pasal utai ti udah dikereja Jehovah nengah gerempung Iya.

PEDA VIDEO MENGKANG BESERAKUP MAYA PENGAWA KITAI DITAGANG, LALU SAUT TANYA TU:

• Baka ni pampang opis Austria nulung bala menyadi kitai ba sekeda menua alai pengawa kitai ditagang?

• Baka ni bala menyadi kitai ba menua nya mengkang tegap ba pengarap?

• Nama kebuah mayuh bala menyadi ba menua Romania ninggalka gerempung Jehovah? Baka ni sida pulai baru?

• Baka ni peneleba tu ulih negapka pengarap nuan?