Lebuh Moses nerima siti tanggung pengawa ari Jehovah, iya ngasaika diri enda ulih bejalaika pengawa nya enggau manah. (P-sut. 4:10, 13) Kala nuan ngasaika nya? Kati nuan benung belajar Bup Kudus enggau Saksi-Saksi Jehovah? Kala nuan berunding sekalika nuan ulih bejalaika pengawa nginjil ari rumah ke rumah? Tauka nuan engka seiku nembiak ke takut deka nginjil ngagai orang ke sama sekula enggau nuan. Tauka nuan engka takut nginjil ngena telefon tauka sebarang chara ke nginjil ba mua orang mayuh. Besampi meh ngagai Jehovah lalu minta roh kudus Iya. (1 Pet. 4:11) Andal meh ngagai Jehovah ke deka nulung nuan bejalaika sebarang pengawa ke diberi ngagai nuan.—P-sut. 4:11, 12.

PEDA VIDEO MENGKANG BERANI—PENGINJIL, LALU SAUT TANYA TU:

• Nama penanggul ke ditapi Menyadi Aoyama?

• Dini iya ulih tetemuka pengering sereta pemerani?—Jer. 20:7-9

• Nama penguntung ke diulih iya lebuh iya ngereja mayuh agi pengawa ke Jehovah?

• Nama penanggul ke ditapi nuan maya nginjil, lalu baka ni Jehovah ulih nulung nuan mutarka nya?