NGEMANAHKA AGI CHARA KITAI NGINJIL
Ngemanahka Agi Pengelandik Kitai ba Pengawa Nginjil—Gaga Chara Nuan Empu Kena Nyadung Majalah
NAMA KEBUAH BEGUNA: Taja pan ba bup kereja kena gempuru bisi chara ke ulih dikena nginjil disediaka, tang tu semina langkar aja. Nuan patut ngena leka jaku nuan empu. Nuan engka deka ngena chara bukai tauka ngasaika bisi topik bukai ke ngena agi ba endur nginjil. Enti pia, pengudah nuan macha majalah, perundingka chara ke ulih dikena nginjil sereta peda meh lakun ke bisi ba video. Nuan ulih ngena chara ke disediaka ba baruh tu kena ngaga chara nuan empu.
CHARA:
Tanya diri empu, ‘Kati aku deka ngena siti ari chara ke ulih dikena nginjil tu?’
DEKA
-
Sediaka jaku pemuka nuan empu. Pengudah meri jaku tabi, padahka kebuah nuan datai. (Chunto: “Aku datai laban . . . ”)
-
Perundingka baka ni nuan deka ngaitka kaul entara tanya, ayat Bup Kudus, sereta utai ti deka disadung. (Chunto: Kena madahka ayat Bup Kudus, nuan ulih nyebut: “Saut ti ngemuaska ati pasal tanya tu ulih ditemu ba ditu.”)
ENGGAI
-
Pilih siti topik ari majalah ke dikerinduka nuan sereta manah dikena ba endur nuan nginjil
-
Gaga siti tanya ke ulih muka randau sereta runding enggau orang ke bempu rumah, tang anang ngena tanya ti ngasuh iya enda nyamai ati. (Chunto: Tanya ti bisi ba lambar 2 majalah.)
-
Pilih siti ayat ke deka dibacha.
-
Gaga siti tauka dua iti ayat kena nerangka baka ni orang ke bempu rumah tau bulih penguntung ari macha artikel tu
CHARA BUKAI
-
Sediaka siti tanya ke deka disaut nuan maya datai ngabas
-
Gaga nota kena nulung nuan ngingatka utai ti deka dipadah ba maya bukai
