Brosur Dinga ka Petara digaga kena ngajar batang pemendar ari Bup Kudus ngena gambar kelebih agi ngagai sida ke enda entu nemu macha. Gambar ke disedia enggau manah ba tiap iti pelajar bisi anak panah kena ngiring lebuh berandauka siti-siti gambar..

Brosur Dinga ka Petara lalu Idup Belama-lama bisi gambar ti sebaka enggau brosur Dinga ka Petara, tang iya bisi mayuh agi leka jaku lalu ulih dikena pelajar Bup Kudus ke nemu macha mimit. Penginjil suah ngena brosur tu kena ngajar lebuh pelajar Bup Kudus sida ngena brosur Dinga ka Petara. Mayuh ari lambar ba brosur tu ngembuan kutak penerang ti ulih dikerandauka nitihka penau pelajar Bup Kudus.

Nuan tau meri dua iti brosur tu ba sebarang maya, taja pan ukai litaricha ke disadung ba bulan nya. Lebuh ngajar pelajar Bup Kudus, kena meh gambar lebuh nerangka utai ti ditulis ba Bup Kudus. Ngena tanya ngambika pelajar Bup Kudus bisi bejaku lalu kena nentuka iya meretika utai ke dipelajar. Bacha sereta berandauka ayat Bup Kudus ti bisi ba baruh tiap iti lambar. Pengudah abis belajarka brosur nya, belajar ngena bup Nama Utai ti Bendar Diajar Bup Kudus? kena nulung iya ngaga pemansang nyentukka dibaptisa.