NAMA KEBUAH BEGUNA: Bup 1 Korint nya siti ari 14 iti surat ke ditulis rasul Paul kena meransang bala menyadi Kristian. Surat nya siti chara ke dikena kitai nginjil ngagai kaban belayan, orang ke baru dikelala, sereta orang ke tusah ditemu kitai maya nginjil. Ambika chunto, sekeda orang diau ba bengunan ke dijaga enggau likun tauka diau ba endur ti jauh. Bisi mega orang nunjukka minat tang suah nadai ba rumah. Lebuh kitai nulis surat, kitai ulih milih leka jaku ti manah. Orang ke nerima surat nya mega ulih suah macha surat nya. Nya alai, nama patut dikingatka kitai lebuh nulis surat ngagai orang ke enda dikelala?

CHARA:

• Ba pun surat, padahka sapa diri sereta tuju nuan nulis surat. Nuan ulih ngena siti tanya, lalu ngasuh iya ngelawa laman web kitai. Padahka iya pasal program belajarka Bup Kudus ba rumah, tauka sebutka sekeda tajuk pelajar ari litaricha ke dikena ngajar. Litaricha baka kad JW.ORG, surat mai datai, tauka surat mit tau diselit dalam surat nya

• Tentuka surat nuan enda kelalu panjai.—Peda chunto surat ba lambar 8

• Bacha sekali agi kena nentuka surat nya nadai salah sepil sereta senang dibacha. Tentuka mega surat nya ngerinduka ati, nunjukka basa sereta meransang. Kena setem ti chukup