Utai ke dipeda ulih narit ati orang, lalu tu nulung sida mereti sereta ingatka utai ti dipelajar sida. Jehovah, Pengajar ti Pemadu Tinggi, ngena chara tu lebuh ngajar utai ti beguna. (P-kal. 15:5; Jer. 18:1-6) Pia mega enggau Jesus, Pengajar ti Tebilang. (Mat. 18:2-6; 22:19-21) Siti perengka ke udah mujur dikena baru-baru tu iya nya video. Ulih nuan ngena video lebuh ngajar pemelajar Bup Kudus?

Sepuluh iti video udah disediaka kena nulung kitai ngajar pelajar ari brosur Berita Manah Ari Petara! Kesuah iya, tajuk video bisi kaul enggau tanya ke bisi dalam brosur nya. Versi digital ngundan link ke ngasuh kitai mandangka video nya. Nambahka nya, bisi video bukai ke ulih dipandangka lebuh ngajar ngena litaricha ari Perengka Kena Ngajar.

Kati nuan berandauka topik Bup Kudus ke tusah dimeretika pemelajar nuan? Tauka kati pemelajar nuan benung napi penguji? Giga video ari jw.org® enggau Berita JW® ke ulih nulung iya. Seduai ulih sama meda video nya lalu berandauka iya.

Ninting bulan, bisi video baru dikeluarka. Seraya nuan meda video nya, perundingka chara nuan ulih ngena nya lebuh ngajar orang bukai.