NAMA KEBUAH BEGUNA: Mayuh orang buta enda senang ati berandau enggau orang ke enda dikelala. Nya alai, kitai begunaka pengelandik ngambika ulih nginjil ngagai sida. Jehovah ibuhka orang buta. (Lew. 19:14) Kitai ulih neladan Iya lebuh kitai nulung sida ke buta mansang ba pengarap.

CHARA:

• “Giga” sida ke buta. (Mat. 10:11) Kati nuan bisi nemu ruang bilik ke bisi orang buta? Kati kandang endur nuan nginjil bisi sekula, endur ngintu orang ke enda bepengerai, tauka endur bukai kedeka nerima litaricha ke digaga ngagai orang buta?

• Ayanka diri ibuh. Lebuh nuan nyadi kaban sida lalu ngayanka diri ibuh, nya deka nulung sida ke buta berasai nyamai enggau nuan. Uji ngepunka randau ngena topik ke dikerinduka sida

• Sediaka utai ti diguna ba pengarap. Giga litaricha ke ulih nulung sida ngelala Jehovah. Tanya orang nya baka ni chara iya deka belajar. Tuai pengawa nginjil patut nentuka menyadi ke ngemataka litaricha ngisi pom peminta litaricha nitihka utai ti dipinta sida ke buta