Ninting taun, kitai bebendar mai orang ba kandang endur nginjil kitai ngambika sama enggau Ngingatka Pemati Jesus. Mayuh ari sida enda dikelala kitai. Kitai mega patut mai orang ti dikelala kitai. Orang deka agi datai enti bisi nerima surat mai datai ari orang ti dikelala sida. (yb08-IN 11 ¶3; 14 ¶1) Sapa ulih dibai kitai?

• Kaban belayan

• Orang ke sama gawa tauka sama sekula

• Orang ke diau berimbai enggau kitai

• Datai ngabas sereta pemelajar Bup Kudus ke suba enggau ke diatu

Kelimpah ari nya, bala tuai gempuru deka mai orang ke enda aktif agi. Baka ni enti sema orang ke dikelala diau jauh ari kitai? Ari laman web kitai, nuan ulih ngiga penerang pasal jam enggau endur pengawa Ngingatka Pemati Jesus ke deka dipejalaika ba endur iya. Ba jw.org, klik PASAL KAMI, lalu giga begian “Ngingatka Pemati Jesus.” Seraya nuan nyediaka diri ke pengawa Ngingatka Pemati Jesus taun tu, perundingka pasal sapa kedeka dibai nuan, lalu bai sida sama datai.