Orang Kristian ulih belajar ari utai ti nyadi ngagai orang Israel ba emperan Moap. (1 Kor. 10:6, 8, 11) Orang Israel begulai enggau orang indu bansa Moap ke ngereja ulah seks ti kamah sereta nyembah engkeramba. Ketegal nya, sida mega dibai sama ngereja utai ti salah nya. Tu ngasuh penusah ti besai nyadi. (P-pau. 25:9) Kitai dikelingi orang ke sama gawa, sama sekula, orang ke diau berimbai enggau kitai, kaban belayan sereta orang bukai ke dikelala kitai ti enda nyembah Jehovah. Nama dipelajarka kitai ari cherita Bup Kudus tu pasal penusah ke ulih nyadi enti kitai begulai enggau sida ke enda nyembah Jehovah?

PEDA VIDEO PENGINGAT KE JEMAN KITAI—BEGIAN KE DIPILIH, LALU SAUT TANYA TU:

• Nama runding ti salah ke dipadah Imri enggau orang bukai ngagai Jamin?

• Baka ni Pinehas nulung Jamin ngembuan runding ti betul?

• Nama bida entara ngereja utai ti manah ngagai orang ke enda sama pengarap enggau nyadi kaban iya?

• Nama kebuah kitai patut bejimat lebuh milih kaban ti rapat indah dalam eklisia?

• Nama kebuah kitai patut nyeliahka diri ari chat group ba media sosial enggau orang ke enda dikelala kitai?