Jehovah dekaka kitai nyembah Iya ketegal pengerindu. (Mat 22:37, 38) Enti pemelajar Bup Kudus rinduka Jehovah, sida sanggup ngaga ubah ba pengidup sereta mengkang tegap taja pan diuji. (1Jo 5:3) Pengerindu sida ke Jehovah mega deka meransang sida dibaptisa.

Tulung pemelajar nuan meda pengerindu Petara ke iya. Tanya iya: “Nama utai ti ulih dipelajarka nuan pasal Jehovah ari utai tu?” tauka “Baka ni utai tu ngayanka pengerindu Jehovah ke nuan?” Padahka chara Jehovah nulung iya. (2Ba 16:9) Padahka pengalaman nuan empu pasal baka ni Jehovah udah nyaut nuan lebuh nuan besampi enggau silik. Peransang iya meda chara Jehovah nyaut sampi iya. Kitai tentu amat gaga ati lebuh meda pemelajar Bup Kudus berasai dikerinduka Jehovah sereta deka nyadi pangan Iya.

PEDA VIDEO TULUNG PEMELAJAR NUAN NEGAPKA KAUL ENGGAU JEHOVAH, LALU SAUT TANYA TU:

• Nama penguji ke ditapi Bungai?

• Baka ni Neeta nulung Bungai?

• Baka ni Bungai mutarka penguji iya?