Kaban reti iya “siti kaul entara dua iku orang ketegal pengerindu sereta basa.” Ambika chunto, Jonatan enggau David nyadi rapat enggau pangan diri pengudah David munuh Goliat. (1Sa 18:1) Seduai iya bela ngayanka pemanah ngagai pangan diri. Nya alai, enti deka bisi kaul ti rapat, seduai patut ngelala pangan diri enggau manah. Ngelala pangan diri begunaka mayuh awak sereta usaha. Tang ba media sosial, orang ulih ngiga “kaban” enggau amat senang laban semua utai ba ujung jari magang. Nama kebuah orang ba internet senang ngelalaika sapa sida ti bendar? Laban sida ulih plan dulu utai ke deka disebut sida lalu ngasuh orang bukai ngumbai sida orang ti manah. Nya alai, manah enti nuan ulih berunding enggau dalam pasal orang ke ulih nyadi kaban nuan ba media sosial. Enti bisi orang ke enda dikelala deka minta nyadi kaban nuan ba media sosial, anang takut nulak request sida ketegal enggai ngemediska ati sida. Ketegal bisi bahaya, sekeda orang milih enggai ngena media sosial. Tang enti nuan deka ngena media sosial, nama patut dikingatka nuan?

PEDA VIDEO BEJIMAT LEBUH NGENA MEDIA SOSIAL, LALU SAUT TANYA TU:

• Nama utai ke patut diperundingka nuan sebedau ngepos komen sereta gambar?

• Nama kebuah nuan patut milih kaban ba internet enggau bejimat?

• Nama kebuah nuan patut natak penyampau awak ke dikena nuan ba media sosial?—Eps 5:15, 16