David ulih ngalahka Goliat laban iya bepanggai ba Jehovah. (1Sa 17:45) Jehovah deka ngena kuasa Iya kena nulung semua nembiak Iya. (2Ba 16:9) Nya alai, ari ke bepanggai ba pengalaman sereta pengelandik diri empu, manah agi enti kitai bepanggai ba tulung ke udah disediaka Jehovah. Baka ni chara iya? Bisi tiga chara:

• Suah besampi. Kitai besampi ukai semina minta pengampun pengudah ngaga penyalah, tang mega minta pengering lebuh napi penguji. (Mat 6:12, 13) Kitai besampi ukai semina minta Jehovah merekatka pemutus ti udah digaga kitai, tang mega minta iring sereta penemu-dalam sebedau ngaga pemutus.—Jas 1:5

• Netapka rutin macha sereta belajarka Bup Kudus. Bacha meh Bup Kudus ninting hari. (Ms 1:2) Perundingka enggau dalam chunto ari Bup Kudus, lalu kena meh utai ti udah dipelajarka nuan. (Jas 1:23-25) Ari ke bepanggai ba pengalaman diri empu, besedia meh sebedau nurun nginjil. Belajar dulu utai ke deka dikerandau ba gempuru ngambika bulih mayuh penguntung

• Bekerejasama enggau gerempung Jehovah. Tentuka diri nemu iring ti pemadu baru ari gerempung Jehovah, lalu titihka iya enggau jampat. (Ppau 9:17) Pendingka jaku lalau sereta iring ari tuai gempuru.—Heb 13:17

PEDA VIDEO NADAI KEBUAH TAKUT DIPERINSA, LALU SAUT TANYA TU:

• Nama utai ke ngenakutka bala menyadi ba video nya?

• Nama utai ke nulung sida mutarka asai takut?