Kitai bisi empat iti video belajarka Bup Kudus ke ulih dikena ba pengawa nginjil. Nama tuju tiap iti video nya?

• Nama Kebuah Belajar Bup Kudus?—Video Penuh digaga kena nulung orang ngambika bisi minat ngagai Bup Kudus enda ngira nama pengarap sida. Video nya meransang orang ngiga saut ari Bup Kudus pasal tanya ti penting ba pengidup, lalu video nya mega bisi sekeda chunto saut ti masuk akal. Video nya mega nerangka chara minta belajarka Bup Kudus.

• Nama Kebuah Belajar Bup Kudus? (video pandak) sebaka enggau video penuh nya tang pemanjai iya semina satu per tiga. Video tu manah agi dikena ba endur alai orang ke selalu nadai mayuh awak.

• Nama Nyadi Lebuh Belajarka Bup Kudus? digaga kena meransang minat orang ngagai program belajarka Bup Kudus kitai ti pechuma, sereta nyaut sekeda tanya pasal program nya. Video nya mega nyengkaum chara minta belajarka Bup Kudus.

• Selamat Datai ngagai Pengawa Belajarka Bup Kudus Nuan digaga kena diayanka ngagai pemelajar Bup Kudus. Taja pan video nya bisi diayanka ba lambar dua bup Idup enggau Lantang Belama Iya!, tang video nya mega ulih dikena lebuh berandauka brosur Idup enggau Lantang Belama Iya! Video nya ngundan penerang pasal utai ti bisi dalam bup nya sereta nama utai ke tau diulih pemelajar nya lebuh belajarka Bup Kudus.

Taja pan tiap iti video nya digaga enggau tuju ti enda sebaka, tang kitai ulih nunjuk tauka nganjung video nya ngagai orang ba sebarang maya asal aja ba maya ti sesuai. Bala penginjil diperansang ngambika nemu enggau manah pasal video nya sereta ngena video nya ba pengawa nginjil.