Pengerindu ulih nyerakupka diri sebilik. Enti nadai pengerindu, ruang bilik tusah deka mengkang beserakup sereta bekerejasama enggau pangan diri. Baka ni laki, bini, sereta apai indai ulih ngayanka pengerindu ba diri sebilik?

Laki ti bisi pengerindu deka beratika utai ti diguna, runding, sereta asai ati bini iya. (Eps. 5:28, 29) Iya deka nyediaka utai ti diguna ruang bilik iya ba fizikal sereta nulung sida semak ngagai Jehovah. Tu nyengkaum belajarka Bup Kudus ba diri sebilik enggau tetap. (1 Tim. 5:8) Bini ti bisi pengerindu deka nunduk sereta “masa” laki iya. (Eps. 5:22, 33; 1 Pet. 3:1-6) Laki bini patut sanggup ngampunka pangan diri. (Eps. 4:32) Apai indai ti bisi pengerindu ngayanka diri ibuhka anak sida lalu ngajar sida rinduka Jehovah. (U-dat. 6:6, 7; Eps. 6:4) Nama penanggul ke ditapi anak sida ba sekula? Baka ni bala anak napi penusah lebuh ditekan bala serambau? Enti ruang bilik penuh enggau pengerindu, tiap iku sida deka berasai likun.

PEDA VIDEO TERUS NGAYANKA PENGERINDU BA DIRI SEBILIK, LALU SAUT TANYA TU:

• Baka ni laki ti bisi pengerindu ngintu sereta rinduka bini iya?

• Baka ni bini ti bisi pengerindu ngayanka basa ti dalam ngagai laki iya?

• Baka ni apai indai ti bisi pengerindu ngajar pesan Petara ngagai anak sida?