Disiplin bekaul enggau ngiring sereta ngajar. Disiplin mega nyengkaum ngemetul sereta ngerara. Jehovah meri kitai disiplin ngambika kitai nyembah Iya enggau chara ti diterima Iya. (Rom. 12:1; Heb. 12:10, 11) Kekadang, disiplin tusah diterima kitai, tang nya mai pengelurus sereta berekat. (J-lam. 10:7) Nama patut dikingatka sida ke meri sereta nerima disiplin?

Sida ke meri disiplin. Bala tuai gempuru, apai indai, sereta orang bukai enggau naka ulih meri disiplin ti ngayanka pemanah sereta pengerindu baka ke diayanka Jehovah. (Jer. 46:28) Indah, disiplin ti terit mega patut diberi nitihka utai ti diguna sereta bepelasarka pengerindu.—Tit. 1:13.

Sida ke nerima disiplin. Enda ngira baka ni disiplin diberi, kitai enda patut nulak disiplin nya. Tang, kitai patut nguji nerima disiplin lalu ngereja nya enggau jampat. (J-lam. 3:11, 12) Ketegal kitai enda sempurna, kitai begunaka disiplin. Disiplin diberi ngena mayuh chara. Kitai engka nerima disiplin lebuh kitai macha Bup Kudus tauka lebuh kitai mendingka utai ti didinga kitai ba gempuru. Kekadang, sekeda orang nerima disiplin ari komiti pechara. Enti kitai nerima disiplin, pengidup kitai deka manah agi diatu, lalu kitai bisi peluang idup belama iya.—J-lam. 10:17.

PEDA VIDEO “JEHOVAH DISIPLIN SEMUA ORANG KE DIKERINDUKA IYA,” LALU SAUT TANYA TU:

• Baka ni pengidup Canon terubah iya? Lalu baka ni pengidup iya berubah?

• Nama disiplin ke diterima iya ari Jehovah?

• Nama utai ke ulih dipelajarka kitai ari peneleba iya?