Seraya kitai benung idup ba “hari ti penudi,” penusah deka majak balat. (2 Tim. 3:1; Mat. 24:8) Lebuh napi penusah, nembiak Jehovah nerima iring ti ulih nyelamatka nyawa ba maya ti ngena. Enti kitai deka selamat lebuh napi penusah, kitai patut nitihka iring ari diatu, lalu nyediaka diri ba pengarap sereta ba fizikal.—Luk. 16:10.

• Nyediaka diri ba pengarap: Terus ngereja pengawa ti ulih negapka pengarap. Belajarka chara nginjil ti bebida. Anang takut lebuh nuan beserara enda lama ari bala menyadi ba eklisia nuan. (Isa. 30:15) Nuan enda ulih beserara ari Jehovah enggau Jesus.—od-ML 176 ¶15-17

• Nyediaka diri ba fizikal: Kelimpah ari beg kecemasan, tiap iku ruang bilik patut nyediaka chukup pemakai, ai, ubat, sereta utai bukai ti diguna enti sema patut diau ba sesiti endur pengelama siti timpuh.—J-lam. 22:3; g17.5-IN 4, 6

PEDA VIDEO KATI NUAN UDAH BESEDIA ENTI BISI PENUSAH TI NGENYIT? LALU SAUT TANYA TU:

• Baka ni kitai ulih negapka pengarap ngambika besedia napi penusah ti ngenyit?

• Nama kebuah kitai patut . . .

  • seruran semak enggau bala tuai gempuru?

  • nyediaka utai ti dikena baka beg kecemasan maya penusah ngenyit nyadi?

  • mansik pasal penusah ke engka nyadi sereta utai ke patut dikereja lebuh napi penusah nya?

• Nama tiga iti chara kitai ulih nulung orang bukai lebuh sida ngenyit ditinggang penusah?

TANYA DIRI EMPU, ‘Maya pandemik COVID-19 nyadi, nama ulih dipelajarka aku pasal nyediaka diri sebedau penusah ti ngenyit nyadi?’