Ketegal kitai enda sempurna, kitai patut bebendar nagang pengingin diri empu. Enti kitai ngereja utai sepeneka ati kitai, kitai ulih lenyau kaul enggau Jehovah. Ambika chunto, sekeda orang rindu agi ke utai bukai ari rinduka Jehovah, baka utai diempa, gari, sereta endur diau. Bisi sekeda mega ngemuaska pengingin seks sida lalu enda bedulika standard Petara. (Ro 1:26, 27) Sekeda orang alah dipujuk kaban ngereja utai ti salah ketegal sida deka diterima bala kaban.—Psut 23:2.

Baka ni kitai ulih nagang pengingin diri empu? Kitai patut fokus ba utai ke ngerinduka ati Jehovah. (Mat 4:4) Pia mega, kitai patut minta Jehovah nulung kitai nagang pengingin diri. Nama kebuah? Laban Iya nemu utai ti pemadu manah ke kitai lalu ulih ngemuaska pengingin ti manah ba kitai.—Ms 145:16.

PEDA VIDEO ANANG NGELAKKA TUBUH NUAN RUSAK KETEGAL INSAP, LALU SAUT TANYA TU:

• Nama kebuah sekeda orang nginsap?

• Nama nyadi enti nuan nginsap?

• Nama kebuah nginsap sereta ngena vape nya salah?—2Ko 7:1

• Baka ni nuan ulih madahka diri enggai nginsap tauka muai tebiat nginsap?