Seraya pengujung sistem dunya tu nyau majak semak, kitai nemu penyarut, serang ari penganas, sereta perang deka majak nambah. (Pem 6:4) Baka ni kitai ulih sedia napi penusah dudi hari?

• Tegapka pengarap nuan: Giga prinsip sereta cherita Bup Kudus ti ulih negapka pengarap nuan ngagai Jehovah enggau gerempung Iya sereta nulung nuan mengkang neutral. (Jlam 12:5; jr-IN 125-126 ¶23-24) Tegapka kaul kitai enggau bala menyadi ba eklisia berengkah ari diatu.—1Pe 4:7, 8

• Sediaka utai ke diguna: Enti sema nuan enda ulih ninggalka rumah, giga meh endur ke selamat dalam rumah nuan lalu tentuka nuan chukup utai ke diguna. Tentuka nuan nemu utai ke deka digaga enti sema nuan patut ninggalka rumah. Peresa baru beg kecemasan nuan. Simpan meh penutup mulut enggau idung, sarung jari, enggau duit dalam beg nya. Nuan mega patut nemu chara ngiga tuai gempuru, lalu padahka tuai gempuru chara sida ulih ngiga nuan.—Isa 32:2; g17.5-IN 3-7

Maya penyarut nyadi, terus meh ngereja pengawa rohani baka besampi, belajar, sereta datai ke gempuru. (Plp 1:10) Anang suah mindah enti nadai kebuah ke penting. (Mat 10:16) Kunsi meh pemakai sereta utai ke diguna enggau bala menyadi kitai.—Ro 12:13.

PEDA VIDEO KATI NUAN SEDIA NAPI PENUSAH? LALU SAUT TANYA TU:

• Baka ni Jehovah ulih nulung kitai maya penusah nyadi?

• Nama ulih digaga kitai kena nyediaka diri sebedau penusah nyadi?

• Baka ni kitai ulih nulung orang bukai ke ditinggang penusah?