Jesus ngajar orang ngena berita pasal isu semasa lebuh iya nginjil. (Luk 13:1-5) Nuan mega ulih ngena berita pasal isu semasa ngambika orang beminat ninga berita manah. Pengudah nuan nyebut pasal penanggul ba duit, bencana alam, penyarut, orang ke gian makai dadah, tauka isu semasa ke bukai, nuan ulih ngena tanya ke ngasuh iya berunding enggau dalam. Nuan ulih nanya: “Ba runding nuan, kati penanggul amat ulih lenyau?” tauka “Ba runding nuan, nama utai ke ulih nulung kitai mutarka penanggul tu?” Udah nya, baca meh ayat Bup Kudus ke bekaul enggau topik nya. Enti iya beminat, nuan ulih mandangka iya siti video tauka meri siti litaricha ari Perengka Kena Ngajar. Lebuh kitai nguji nyapai ati orang ba alai kitai nginjil, kitai patut ‘ngereja semua nya ke Berita Manah.’—1Ko 9:22, 23.

Nama topik ke ulih nyapai ati orang ba alai nuan nginjil?