Nama nya audio Bup Kudus? Audio Bup Kudus nya siti rikuding Bup Kudus Salin Dunya Baru ke udah diaduka baru. a Iya dikeluarka berenggat dalam mayuh bansa jaku. Siti ari utai ti narit ati ba audio Bup Kudus iya nya, enti ulih, audio Bup Kudus nya deka ngena bemacham bengkah nyawa bala menyadi Kristian kena ngerikut nyawa orang ti bebida dalam Bup Kudus. Jaku Bup Kudus dibacha enggau tiun ti sesuai sereta ngenataika asai ati ti sejalai enggau pesan Bup Kudus nya.

Baka ni sekeda orang udah bulih penguntung ari audio Bup Kudus? Mayuh orang ke seruran ningaka audio Bup Kudus amat rindu ngagai audio nya laban Jaku Petara nyadi nyata agi ba sida. Nyawa ti enda sama dikena macha tiap iti watak ti bebida. Ba sida, tu udah nulung sida ngambarka utai ke nyadi dalam Bup Kudus enggau manah agi, sereta mereti agi utai ke ditulis. (Jlam 4:5) Lebuh ningaka audio Bup Kudus, mayuh orang mega ngasaika nya ngelantangka ati lebuh sida berasai irau.—Ms 94:19.

Lebuh ninga Jaku Petara dibacha enggau inggar, nya ulih meri kesan ti besai ba pengidup kitai. (2Ba 34:19-21) Enti audio Bup Kudus bisi sebagi tauka penuh dalam bansa jaku ke ditemu nuan, ulih nuan nyadika pengawa ningaka audio Bup Kudus nya sebagi ari pengidup nuan?

PEDA VIDEO CHARA AUDIO BUP KUDUS DIASILKA—BEGIAN KE DIPILIH, LALU SAUT TANYA TU:

Nama utai ke ngasuh nuan alit ati pasal chara audio Bup Kudus diasilka?