5:5-7, 11

Ba menua Israel, penyuntuk enda ulih nagang orang ari ngembuan pemaik enggau Jehovah. Indah orang Israel ke pemadu suntuk pan ulih meri Jehovah pemeri ti diterima Iya, seagi-agi sida meri enggau pengabis ati. Sida ulih meri tepung, tang Jehovah agi ngarapka tepung ke diberi nya ke “pemadu alus,” baka tepung ke diberi ngagai temuai ti dipebasa. (P-kal. 18:6) Kemayaharitu, Jehovah agi ngarapka kitai meri utai ti pemadu manah ngagai Iya. Taja pan utai ke diberi kitai ngagai Jehovah enda entu berega, tang enti nya “pemeri” kitai ke pemadu manah, Jehovah deka nerima.—Heb. 13:15.

Baka ni tu ulih meransang nuan enti nuan enda ulih ngereja mayuh baka suba, engka ketegal pengerai ti enda manah tauka nadai agi mayuh pengering?