NAMA KEBUAH BEGUNA: Nginjil ngena telefon nya siti chara ti beguna kena “besaksika Berita Manah.” (SKR. 20:24) * Tu nulung kitai nginjil ngagai orang lebuh bisi penanggul ke nagang kitai ngelawa sida.

CHARA:

• Besedia. Pilih topik ti engkeman. Gaga langkar utai ti deka dipadah nuan. Nuan mega engka nyediaka siti mesej ti pandak ke nerangka tuju nuan telefon enti sema mesin telefon nyaut nuan. Endang beguna enti nyediaka dulu langkar sereta utai bukai ti diguna, baka perengka elektronik kena muka JW Library^® tauka jw.org^®

• Relaks. Bejaku baka biasa. Tuchum sereta ngena gaya tubuh baka ke orang nya benung meda nuan. Anang ngetu sengapa. Endang manah enti ulih gawa begulai enggau orang bukai. Enti orang ke bempu rumah bisi tanya, tandu tanya nya baru enggau terang ngambika kaling nginjil nuan ulih ngiga saut nya

• Gaga atur ngambika ulih datai ngabas. Enti orang bisi minat, nuan ulih ninggalka siti tanya ke ulih disaut maya nuan telefon baru. Nuan engka ulih meri siti litaricha nengah email, nganjung kediri empu tauka ngena chara bukai ngagai iya. Nuan mega ulih ngirum video tauka artikel kitai ngagai iya nengah email tauka mesej