Jehovah meh ke ngasuh benih pemendar beurat sereta tumbuh ba ati seseiku orang. (1 Kor. 3:6-9) Nya alai, kena mujur ba pengawa nginjil, kitai enda tau enda bepanggai ba Jehovah ngambika Iya nulung kitai sereta pemelajar Bup Kudus kitai.

Pinta Jehovah nulung pemelajar nuan betan lebuh ditekan sereta mutarka penanggul. (Plp. 1:9, 10) Besampi meh enggau nyemetak, lalu pinta meh roh kudus ngambika ngiring runding enggau pengawa nuan. (Luk. 11:13) Ajar pemelajar nuan chara besampi, lalu peransang sida besampi. Besampi meh enggau pemelajar Bup Kudus nuan. Lalu maya nya, besampi meh ke sida lalu sebut nama sida dalam sampi.

PEDA VIDEO NGASAIKA PENGAGA ATI LEBUH NGAGA MURID—NERIMA TULUNG JEHOVAH—SAMPI, LALU SAUT TANYA TU:

• Nama penanggul ke ditapi Neeta maya iya belajarka Bup Kudus enggau Bungai?

• Baka ni 1 Korint 3:6 nulung Neeta?

• Baka ni penanggul Neeta diputarka?