Pemendar ke diajar kitai aja, enda chukup kena nulung pemelajar Bup Kudus mansang ba pengarap. Tang sida empu ke patut belajar mayuh agi pasal Bup Kudus, ngambika sida ulih ngelala Jehovah enggau manah sereta mansang ba pengarap. (Mat. 5:3; Heb. 5:12–6:2) Sida mega patut nemu chara belajar pasal Jehovah kediri empu.

Lebuh pemelajar Bup Kudus baru berengkah belajar, tunjuk ngagai sida chara nyediaka diri sebedau belajar lalu peransang meh sida ngambika terus ngereja nya. (mwb18.03 6) Peransang meh sida besampi tiap kali sebedau belajarka Bup Kudus kediri empu. Ajar sida chara ngena perengka digital kena belajar. Terangka ngagai sida chara ngiga utai baru ari jw.org sereta Berita JW. Belubah-lubah, ajar meh pemelajar nuan macha Bup Kudus ninting hari, belajarka dulu utai ke deka dikena ba gempuru, enggau ngiga pansik ke tanya sida. Tulung sida ngambika ulih belematika utai ti dipelajar sida.

PEDA VIDEO NULUNG PEMELAJAR BUP KUDUS NEMU CHARA BELAJAR PASAL JEHOVAH, LALU SAUT TANYA TU:

• Baka ni Neeta nulung Bungai nemu, pengawa belajar nya ukai semina deka ngiga saut aja?

• Nama utai ke nulung Bungai nerima pesan Jehovah ke nagang orang Kristian ngereja ulah seks ti kamah?

• Nama utai ke ditemu Bungai pasal pengawa belemati?