Sepemanjai sejarah, nembiak Petara udah mujur ngereja mayuh pengawa ti ngalitka ati. Sida ulih mujur ukai ketegal penau diri empu, tang ketegal tulung ari Jehovah. Ba taun 1954, gerempung Jehovah udah ngeluarka siti filem ke betajuk The New World Society in Action. Filem tu diasilka bala menyadi ke gawa ba Betel, lalu sida nadai peneleba ngasilka filem. Pengawa ti tusah tu semina ulih tembu ketegal saup ari roh kudus Jehovah. Kitai ulih andal, enti kitai bepanggai ba Jehovah, kitai ulih mujur ba sebarang pengawa ke diberi.—Sek. 4:6.

PEDA VIDEO NGASILKA “THE NEW WORLD SOCIETY IN ACTION,” LALU SAUT TANYA TU:

• Nama kebuah gerempung Jehovah ngasilka filem pasal indu opis?

• Baka ni filem nya nunjukka bala menyadi ba Betel bekerejasama baka perengka tubuh?—1 Kor. 12:14-20

• Nama sekeda penanggul ke nyadi maya ngasilka filem nya? Baka ni sida mutarka penanggul nya?

• Nama utai ke ulih dipelajarka kitai ari peneleba sida pasal roh kudus Jehovah?