18-24 November
MASMUR 107-108
Lagu 7 enggau Sampi | Jaku Pemuka (1 min.)
1. ‘Beri Terima Kasih ngagai Jehovah, laban Iya Endang Badas’
(10 min.)
Sama baka Jehovah ke udah ngelepaska orang Israel ari menua Babilon, Jehovah mega udah nyelamatka kitai ari dunya Sitan (Ms 107:1, 2; Kol 1:13, 14)
Asai ati ti beterima kasih ngagai Jehovah meransang kitai muji Iya ba gempuru (Ms 107:31, 32; w07-E 4/15 20 ¶2)
Kitai deka majak agi beterima kasih ngagai Jehovah lebuh kitai berundingka semua utai ke udah dikereja Iya ke kitai (Ms 107:43; w15-E 1/15 9 ¶4)
2. Penemu Bup Kudus ti Berega
(10 min.)
-
Ms 108:9—Lebuh Bup Kudus madah Moap “nyadika dulang alai [Petara] bebasu,” tu engka merujuk ngagai nama? (it-2-E 420 ¶4)
-
Nama penemu ti berega ke ditemu nuan ari macha Bup Kudus minggu tu?
3. Macha Bup Kudus
(4 min.) Ms 107:1-28 (th Pelajar 5)
4. Ngepunka Randau
(3 min.) NGINJIL ENGGAU ENDA FORMAL. (lmd Pelajar 1 poin 4)
5. Datai Ngabas
(4 min.) NGINJIL ENGGAU ENDA FORMAL. Padah ngagai orang nya pasal kursus belajarka Bup Kudus kitai, lalu beri iya kad JW.ORG. (lmd Pelajar 9 poin 3)
6. Cheramah
(5 min.) ijwyp 90—Tema: Baka Ni Aku Ulih Ngelaban Runding ti Enda Manah? (th Pelajar 14)
Lagu 46
7. Kitai Belagu Meri Terima Kasih ngagai Jehovah
(15 min.) Randau.
Jehovah nyelamatka orang Israel ke balat takut ari bala soldadu Ejip ti kering ba Tasik Mirah. Pengudah nya, ketegal penuh enggau asai ati ti beterima kasih, orang Israel pan belaguka siti lagu pasal utai ke udah dikereja Jehovah. (Psut 15:1-19) Bala lelaki berengkah belagu dulu. (Psut 15:21) Jesus enggau bala menyadi Kristian ba abad keterubah mega belagu meri puji ke Petara. (Mat 26:30; Kol 3:16) Lalu kemayaharitu, kitai ngayanka asai ati ti beterima kasih ngagai Jehovah lebuh kitai belagu ba gempuru, gempuru besai, sereta ba konvensyen. Ambika chunto, lagu ke baru dinyanyi kitai tadi, “Terima Kasih Jehovah,” udah dinyanyi kitai ba gempuru kenyau ari taun 1966.
Ba sekeda endur, bala lelaki engka berasai malu deka belagu. Ke bukai engka enggai belagu laban sida ngasaika diri enda landik belagu. Taja pia, kitai patut ingat, belagu nya sebagi ari sembah kitai. Gerempung Jehovah udah enggau naka ulih ngaga lagu, lalu milih ni bagi lagu ke patut dinyanyika ba tiap iti gempuru. Aram meh kitai belagu begulai enggau bala menyadi kena ngayanka pengerindu enggau asai ati ti beterima kasih kitai ngagai Jehovah.
Mainka VIDEO Sejarah Gerempung Kitai ti Seruran Mansang—Lagu Kitai ti Nyadika Pesaka, Begian 2, lalu kerandauka tanya tu:
-
Nama nyadi ba taun 1944?
-
Baka ni bala menyadi kitai ba Siberia nunjukka sida rindu belagu lagu Perintah Petara?
-
Nama kebuah belagu amat penting ba Saksi-Saksi Jehovah?
8. Gempuru Belajarka Bup Kudus
(30 min.) bt Pelajar 18 ¶6-15
