Berengkah ari bulan September, Pengidup enggau Pengawa Kristian Kitai—Bup Kereja Kena Gempuru deka bisi siti chara baru ke ulih dikena maya nginjil ti dikumbai “Ngajar Utai ti Bendar.” Tuju kitai, iya nya nerangka batang ajar pemendar Bup Kudus ngena siti tanya enggau siti ayat ari Bup Kudus.

Enti orang nya bisi minat, kitai ulih nambah minat iya enggau ninggalka litaricha tauka mandangka video ari jw.org. Kitai patut datai baru beberapa hari udah nya kena nyambung randau sebedau nya. Chara nyadung ti baru tu sereta begian bala pelajar deka diambi ari kutak ba pengujung tiap pelajar bup What Can the Bible Teach Us? Ba begian kutak nya, kitai ulih tetemuka tanya enggau ayat Bup Kudus ke bukai ti ulih nulung kitai datai ngabas tauka ngajar semina ngena Bup Kudus.

Semina bisi siti aja jalai nuju ngagai pengidup. (Mat. 7:13, 14) Laban kitai betemu enggau orang ke bisi bemacham pengarap sereta gaya pengidup, kitai patut mandangka pemendar Bup Kudus ti ulih narit minat sida. (1 Tim. 2:4) Seraya kitai majak landik berandauka bemacham topik Bup Kudus sereta ngemanahka chara “ngajar pesan ti bendar ngena jalai ti betul,” pengaga ati kitai deka nambah lalu kitai deka mujur ba pengawa ngajar pemendar ngagai orang bukai.—2 Tim. 2:15.