NAMA KEBUAH BEGUNA: Tiap iti litaricha ke bisi ba Perengka Kena Ngajar mai orang ngelawa jw.org. Tuju kitai meri kad JW.ORG enggau surat mit Dini Kitai Ngiga Saut ngagai Tanya ti Beguna Pasal Pengidup? ngambika orang ulih ngelawa laman web kitai. Nuan ulih meri litaricha salin elektronik ari Perengka Kena Ngajar ngena jw.org nengah email tauka bekunsika link. Tu amat beguna lebuh nginjil ngagai orang ke bejaku bansa jaku bukai. Nambahka nya, orang engka mansutka tanya ke bisi disaut ba litaricha ke nadai ba Perengka Kena Ngajar. Enti kitai nemu ngena laman web tu, kitai deka nyadi landik agi ba pengawa nginjil.

CHARA:

• Kena begian “AJAR BUP KUDUS”. Nuan engka nginjil ngagai apai indai ke deka nemu mayuh penerang pasal chara ngajar anak. Kena AJAR BUP KUDUS > LAKI BINI & RUANG BILIK.

• Kena begian “UTAI DIKELUARKA KAMI.” Nuan engka nginjil enda formal ba sekula lalu deka bekunsika brosur Saut Ngagai 10 Tanya Ari Bala Nembiak enggau seiku nembiak ke sama kelas enggau nuan. Peda UTAI DIKELUARKA KAMI > BUP & BROSUR.

• Kena begian “PASAL KAMI.” Nuan engka nginjil ngagai orang ke sama gawa enggau nuan ke deka macha penerang ti pandak pasal pengarap kitai. Peda PASAL KAMI > UTAI KE SUAH DITANYA.

PEDA VIDEO NGENA JW.ORG, LALU PERUNDINGKA NI BAGI BEGIAN BA LAMAN WEB NYA KE ULIH DIKENA NULUNG:

• orang ke deka nemu Petara ti bendar

• orang ke napi penusah ti balat

• menyadi lelaki tauka indu ke enda aktif

• orang ke bempu rumah ke deka nemu baka ni pengawa kitai dipelanja

• orang ari menua bukai ke deka enggau gempuru ba menua iya empu