Jesus nyerahka nyawa iya ke orang ti bedosa. (Rom. 5:8) Tiap iku kitai tentu beterima kasih laban Jesus udah ngayanka pengerindu iya lebuh nyerahka nyawa iya ke kitai. Taja pia kitai patut ingat, Jesus mega mati ke menyadi Kristian kitai. Baka ni kitai ngayanka pengerindu baka Jesus ngagai bala menyadi Kristian, ti sama bedosa baka kitai? Perundingka tiga iti chara. Kesatu, kitai ulih bepangan enggau semua orang nyengkaum sida ke enda sama gaya pengidup enggau kitai. (Rom. 15:7; 2 Kor. 6:12, 13) Kedua, kitai bejimat lebuh bejaku tauka ngereja utai ngambika enda ngemediska ati orang bukai. (Rom. 14:13-15) Ketiga, enti orang ngaga penyalah ngagai kitai, kitai enggau naka ulih ngampun enggau jampat. (Luk. 17:3, 4; 23:34) Enti kitai nunda Jesus enggau naka ulih ngena chara tu, Jehovah deka terus merekat eklisia enggau pemaik sereta penyerakup.

PEDA VIDEO MANSANG AGI BA PEMANAH!, LALU SAUT TANYA TU:

• Nama runding Miki keterubah iya pasal eklisia?

• Nama utai ti ngasuh iya berubah ati?

• Baka ni teladan Jesus nulung Miki ngemetulka runding iya? (Mrk. 14:38)

• Baka ni Jaku Dalam 19:11 nulung kitai meda pemanah menyadi Kristian?