Ketegal penusah ti besai majak semak, pengawa nginjil kitai patut dikereja enggau pengelengkas. (J-lam. 24:11, 12, 20) Kena mantu orang, kitai ulih ngena kad JW.ORG ngambika sida ulih macha Bup Kudus sereta ngagai laman web kitai. Kad tu bisi ngembuan siti kod ti terus mai ngagai video Nama Kebuah Belajar Bup Kudus? sereta ulih minta mayuh penerang tauka belajarka Bup Kudus. Sekeda orang enggai nerima litaricha tang deka ngelawa laman web kitai. Anang kakang ati meri sida kad tu. Tang, anang ninggalka kad tu ngagai orang ke nadai bisi minat.

Lebuh kitai ngereja pengawa kitai sehari-hari, nuan ulih nambahka minat orang nya enggau madahka: “Aku bisi utai deka diberi ngagai nuan. Kad tu mai nuan ngagai siti laman web ti bisi penerang sereta video ke madah pasal mayuh topik enggau pechuma.” (Jhn. 4:7) Laban kad tu mit nuan ulih mai beberapa iti kena nuan bekunsi enggau orang ba sebarang maya.