Nama kualiti ke digiga nuan ba seiku kaban? Nuan engka ngemeratka kualiti baka penaluk, penelap, sereta pengerah jari. Jehovah ngembuan semua kualiti nya. (P-sut. 34:6; SKR. 14:17) Iya ninga lebuh nuan besampi ngagai Iya. Iya nulung nuan ba sebarang maya. (Mas. 18:19, 35) Iya ngampun penyalah nuan. (1 Jhn. 1:9) Naka meh pemanah Kaban baka Jehovah!

Baka ni nuan ulih nyadi kaban Jehovah? Belajar meh pasal Iya enggau macha Bup Kudus. Padahka semua utai ngagai Iya. (Mas. 62:8; 142:2) Tunjukka diri ngemeratka utai ti beguna ba Jehovah, baka anak Iya, Perintah Iya, sereta semaya Iya ke jemah ila. Padah ngagai orang bukai pasal Iya. (U-dat. 32:3) Enti nuan ngemansangka kaul ti rapat enggau Jehovah, Iya deka nyadi Kaban nuan belama iya.—Mas. 73:25, 26, 28.

PEDA VIDEO BALA NEMBIAK—‘ASAIKA PEMADAS JEHOVAH’ LALU SAUT TANYA TU:

• Baka ni nuan ulih nyikap diri kena nyerahka diri sereta dibaptisa?

• Baka ni bala menyadi ba eklisia ulih nulung nuan nyembah Jehovah?

• Baka ni pengawa nginjil udah ngeringka kaul nuan enggau Jehovah?

• Nama peluang gawa ke Jehovah ti ulih digaga nuan?

• Nama utai ti dikerinduka nuan pasal Jehovah?