Saksi-Saksi Jehovah ngembuan peluang ti spesial. Kitai ke udah dibaptisa deka terus ngeringka kaul kitai enggau Petara Jehovah. Lalu nengah Jesus, Iya udah mai kitai semak ngagai Iya. (Jhn. 6:44) Iya ningaka sampi kitai.—Mas. 34:15.

Baka ni kitai ulih nyaga kaul kitai ti spesial enggau Jehovah? Kitai patut nyeliahka diri ari ngereja pengawa bedosa ke digaga orang Israel. Enda lama pengudah ngaga sempekat enggau Jehovah, orang Israel nyadi penyembah engkeramba lebuh sida ngaga anak sapi emas. (P-sut. 32:7, 8; 1 Kor. 10:7, 11, 14) Kitai engka nanya diri empu: ‘Nama digaga aku lebuh diuji ngereja utai ti salah? Kati ulah aku nunjukka aku deka ngetanka kaul aku enggau Jehovah?’ Pengerindu ti dalam ngagai Apai kitai ti di serega deka nulung kitai nyeliahka diri ari utai ti dipegedika Iya.—Mas. 97:10.

PEDA VIDEO JAGA MEH KAUL NUAN ENGGAU JEHOVAH (KOL. 3:5), LALU SAUT TANYA TU:

• Nama kebuah kitai patut nyeliahka pengamu?

• Nama kebuah kitai patut nulak asai ati ti amu sereta pengawa nyembah engkeramba?

• Nama kaul entara pengawa butang enggau pengawa nyembah engkeramba?

• Nama kebuah sida ke megai tanggung pengawa ba gerempung Jehovah patut ibuh agi ke utai ti diguna kaling pengidup sida?