Jesus nusui ‘Berita Manah pasal Perintah Petara.’ (Luk. 4:43) Iya mega ngajar orang besampi pasal Perintah Petara. (Mat. 6:9, 10) Ba bulan November, kitai deka ngereja siti pengawa ti spesial kena madah pasal Perintah Petara. (Mat. 24:14) Atur jadual nuan ngambika ulih bebendar enggau kimpin tu. Semua ke nyadi pengerintis sukung ulih milih deka ngereja 30 tauka 50 jam ba pengawa nginjil bulan nya.

Enggau naka ulih bekunsika siti ayat Bup Kudus pasal Perintah Petara ngagai orang. Lebuh milih ayat Bup Kudus, perundingka pasal pengarap bala peninga nuan. Enti bisi orang ngayanka minat lebuh nuan keterubah kali nginjil, beri meh iya siti majalah Menara Jaga No. 2 2020 edisyen ke orang mayuh. Lalu, gaga datai ngabas enggau naka pengelengkas. Udah nya, uji berengkah belajarka Bup Kudus ngena siti litaricha ari Perengka Kena Ngajar. Enda lama agi, Perintah Petara deka ngerusak semua perintah ti ngelaban Iya. (Dan. 2:44; 1 Kor. 15:24, 25) Nya alai, awakka semua kitai ngena peluang ti spesial tu ngayanka penaluk kitai ngagai Jehovah sereta Perintah Iya!