PENGIDUP KRISTIAN
Ngemanahka Agi Pengelandik Ba Pengawa Injil —Peransang Orang ke Bisi Minat Datai Ngagai Gempuru
NAMA KEBUAH BEGUNA: Gempuru meri peluang belagu ke Jehovah sereta muji Iya. (Mas. 149:1) Ba gempuru, kitai diajar ngereja peneka Petara. (Mas. 143:10) Orang ke bisi minat sereta pelajar Bup Kudus selalu iya jampat mansang lebuh sida berengkah datai ngagai gempuru.
CHARA:
-
Mai iya datai ngagai gempuru enggau naka pejampat. Nuan enda ibuh nganti iya berengkah belajarka Bup Kudus.—Pem. 22:17
-
Terangka ngagai orang ke bisi minat nama utai ke nyadi lebuh ba gempuru lalu utai ke deka dikerandauka ba gempuru minggu ti deka datai. Utai tu ulih dikena kitai nulung mai iya datai: surat mai datai ngagai gempuru, video Nama nyadi ba Palan Gempuru?, sereta Pelajar 5 enggau 7 ba brosur Peneka Jehovah
-
Meri tulung. Kati orang ke bisi minat nya begunaka perengka pengangkut tauka bantu kena milih gari ti ngena? Duduk enggau iya maya gempuru lalu bekunsi enggau iya litaricha nuan. Bai iya bekelala enggau orang bukai