Ba bulan November, kitai deka bekunsika berita manah pasal dunya baru ke nyau semak. (Mas. 37:10, 11; Pem. 21:3-5) Atur meh jadual nuan ngambika ulih nyukung kimpin tu. Enti nuan deka nyadi pengerintis sukung ba bulan nya, nuan ulih milih deka nyapai 30 tauka 50 jam.

Sedia meh ayat Bup Kudus pasal dunya baru ke deka dikunsika nuan enggau orang mayuh. Maya nuan milih siti ayat Bup Kudus, perundingka utai ti narit ati orang ba kandang endur nuan nginjil. Enti seseiku orang nunjukka minat maya keterubah datai, beri iya siti salin Menara Jaga No. 2 2021, edisi ke orang mayuh. Udah nya, gaga atur datai ngabas enggau jampat lalu uji berengkah belajarka Bup Kudus ngena brosur Idup enggau Lantang Belama Iya! Kitai amat gaga ati laban Jehovah udah nyikap kitai “mai berita ti manah”!—Isa. 52:7.

PEDA VIDEO LAGU ASAL DUNYA BARU TI DEKA DATAI, LALU SAUT TANYA TU:

• Nama pengadang ke digambarka anak mit indu dalam video tu?

• Nama utai ke deka digaga nuan ba dunya baru?

• Nama asil ti manah ke deka diulih kitai lebuh belematika pengadang ke jemah ila maya nyediaka diri ke kimpin bulan November?—Luk. 6:45