Seiku atlet patut seruran belatih ngambika iya seruran landik. Sama mega, kitai patut seruran nyaga sereta ngelatih penau ngelala utai ti manah enggau utai ti jai. (Heb. 5:14) Taja pan kitai engka deka nitihka pemutus orang bukai, tang kitai empu patut ngelatih penau nemu berunding sereta ngaga pemutus kediri empu. Nama kebuah? Laban, tiap iku kitai deka betanggungjawapka pemutus kediri empu.—Rom. 14:12.

Taja pan kitai udah lama dalam pemendar, tang kitai enda patut kelalu andalka diri ulih ngaga pemutus ti manah. Kitai patut bepanggai ba Jehovah, Jaku Iya sereta gerempung Iya enggau pengabis ati ngambika kitai ulih ngaga pemutus ti manah.—Jos. 1:7, 8; J-lam. 3:5, 6; Mat. 24:45.

PEDA VIDEO “MENGKANG NGETANKA ATI TI BERESI,” LALU SAUT TANYA TU:

• Nama pemutus ke patut digaga Emma?

• Nama kebuah kitai enda patut madahka penemu kitai pasal sesiti pekara bekaul enggau penemu ati?

• Nama lalau ti manah ke diberi sepasang laki bini ngagai Emma?

• Dini Emma bulih penerang ti ulih nulung iya?