Bup Idup enggau Lantang Belama Iya! bisi mayuh video sereta tanya ke ulih meransang orang berunding. Kati nuan rindu ngena video sereta tanya nya? Baka ni enggau begian “Bisi Orang Madah,” “Uji Tu,” enggau “Aram Belajar”? Nama utai bukai dalam bup tu ke ulih nulung nuan ngajar Bup Kudus?—Mat 28:19, 20.

Media: Enti nuan rindu agi belajarka Bup Kudus ngena bup ke udah dichelak, baka ni nuan ulih tetemuka semua video enggau media ke bukai dalam siti endur? Dalam bup digital nya, pilih siti ari 4 begian bup nya. Ba baruh lis tajuk pelajar, nuan ulih milih semua media ke siti-siti begian. (Peda gambar 1.)

Kena ngiga video Selamat Datai ngagai Pengawa Belajarka Bup Kudus Nuan lebuh nuan ngena brosur ngajar Bup Kudus, peda ba kategori video “Perengka Kena Nginjil” dalam aplikasi JW Library. Nuan ulih nyimpan video ba begian “Favorites” ngambika senang digiga.

“Printed Edition”: Enti nuan benung belajarka Bup Kudus enggau siku orang ngena perengka elektronik, nuan engka ulih ngena setting “Printed Edition” lebuh nuan ngajar. Dalam pelajar nya, tekan butang “tiga titik” ke bisi ba atas lambar nya, lalu pilih “Printed Edition.” Chara tu ulih nulung nuan terus berunding pasal baka ni utai ti benung dikerandau nuan bekaul enggau tema pelajar nya. Kena pulai baru ngagai edisi digital, tekan baru butang “tiga titik” lalu pilih “Digital Edition.”

“Kati Aku Udah Sedia?”: Kutak ke bisi ba begian ujung bup nya madahka sekeda syarat ke patut dijapai sebedau ulih nginjil enggau raban gempuru sereta dibaptisa. (Peda gambar 2.)

Nota Penutup: Nota penutup nyediaka penerang bukai bekaul enggau sekeda pekara ti penting. Bup dalam bansa digital bisi link ba ujung tiap iti nota penutup ke deka mai nuan pulai baru ngagai endur alai nuan ngetu dalam pelajar nya. (Peda gambar 2.)