Bansa Israel ti Kesatu 24:1-31
24 Baka tu ku chara David magi bala peturun Aron ngagai beberapa iti raban: Bala anak lelaki Aron nya Nadab, Abihu, Eleasar, enggau Itamar.
2 Tang, Nadab enggau Abihu mati lebuh apai seduai iya agi idup, lalu seduai iya nadai anak lelaki. Eleasar enggau Itamar mengkang gawa nyadi imam.
3 David enggau Sadok ari peturun Eleasar sereta Ahimelek ari peturun Itamar, udah magi bala peturun Aron ngagai beberapa iti raban nitihka pengawa sida.
4 Ketegal bala tuai ba peturun Eleasar mayuh agi ari bala tuai ba peturun Itamar, nya alai sida dibagi baka tu: Peturun Eleasar bisi 16 iku tuai suku, lalu peturun Itamar bisi 8 iku tuai suku.
5 Peturun Eleasar enggau peturun Itamar bechabutka undi. Bisi ari sida nyadi tuai ke gawa ba endur ti kudus, lalu bisi nya ke nyadi tuai ke gawa ke Petara.
6 Semayah anak Netanel, iya nya sekretari orang Lewi, nuliska nama sida ba depan raja, bala tuai, Imam Sadok, Ahimelek anak Abiatar, tuai ruang bilik bala imam, enggau bala tuai suku orang Lewi. Siti suku ari peturun Eleasar deka bechabutka undi. Udah nya, ditangkanka siti suku ari peturun Itamar.
7 Pemutus undi ti keterubah tekenaka Jehoyarip, kedua Jedayah,
8 ketiga Harim, keempat Seorim,
9 kelima Malkijah, keenam Mijamin,
10 ketujuh Hakos, kelapan Abijah,
11 kesemilan Jesua, ke-10 Sekaniah,
12 ke-11 Eliasip, ke-12 Jakim,
13 ke-13 Hupah, ke-14 Jesebip,
14 ke-15 Bilgah, ke-16 Imer,
15 ke-17 Hesir, ke-18 Hapises,
16 ke-19 Petahiah, ke-20 Jeheskil,
17 ke-21 Jachin, ke-22 Gamul,
18 ke-23 Delayah, enggau ke-24 Masiah.
19 Baka nya meh sida diatur lebuh sida tama bejalaika pengawa ba Rumah Jehovah. Tu sejalai enggau pesan ke diberi Jehovah, Petara orang Israel, ngagai Aron, iya nya aki sida.
20 Tu bala orang Lewi ke bukai: Subael ari peturun Amran; Jehdeyah ari peturun Subael;
21 ari Rehabiah: Issiah ari peturun Rehabiah (Issiah nya tuai sida);
22 Selomot ari peturun Izhar; Jahat ari peturun Selomot;
23 Jeriah ari peturun Hebron. Jeriah nya tuai sida. Udah nya Amariah, Jahasiel, enggau Jekamim;
24 Mikah ari peturun Uziel; lalu Samir ari peturun Mikah.
25 Mikah nya menyadi lelaki Issiah, lalu Sekariah nya ari peturun Issiah.
26 Mahli enggau Musi ari peturun Merari, lalu Beno ari peturun Jasiah.
27 Tu meh peturun Merari: Beno, Soham, Zakur, enggau Ibri ari peturun Jasiah;
28 Eleasar ari peturun Mahli, tang Eleasar nadai anak lelaki;
29 ari Kish: Jerahmil ari peturun Kish;
30 lalu Mahli, Eder, enggau Jerimot ari peturun Musi.
Nya meh peturun Lewi nitihka suku sida.
31 Semua sida mega bechabutka undi baka ke udah digaga bala menyadi sida, iya nya peturun Aron. Sida ngereja nya ba depan Raja David, Sadok, Ahimelek, tuai ruang bilik bala imam, enggau bala tuai suku orang Lewi. Enda ngira tuai tauka biak, semua tuai suku dilayan sama rata lebuh bechabutka undi.
