Bansa Israel ti Kesatu 25:1-31
-
Pemusik enggau penyanyi ba Rumah Petara (1-31)
25 Udah nya, David enggau bala tuai ke bukai milih beberapa iku ari bala anak lelaki Asaf, Heman, enggau Jedutun ngambika benabi ngena belikan,* perengka musik ti betali, sereta simbal. Sida dibagi ngagai beberapa iti raban. Tu meh nama sida ke bejalaika pengawa nya:
2 Bala anak lelaki Asaf nya Zakur, Josep, Netaniah, enggau Asarelah. Sida di baruh iring Asaf, lalu Asaf ngenataika pesan Petara nitihka atur ke udah ditetapka raja.
3 Enam iku anak lelaki Jedutun nya Gedaliah, Seri, Jesayah, Shimei, Hasabiah, enggau Matitiah. Sida di baruh iring apai sida, Jedutun, siku lelaki ke benabi ngena belikan sereta belagu meri puji enggau terima kasih ngagai Jehovah.
4 Bala anak lelaki Heman nya Bukiah, Mataniah, Uziel, Sebuel, Jerimot, Hananiah, Hanani, Eliatah, Gidalti, Romamti-eser, Josbekasah, Maloti, Hotir, enggau Mahasiot.
5 Semua sida nya anak lelaki Heman, siku nabi ke ngemuliaka Petara ti bendar sereta madahka utai ti dipandangka Petara dalam runding iya. Petara meri Heman 14 iku anak lelaki enggau 3 iku anak indu.
6 Semua sida nya di baruh iring apai sida. Sida belagu sambil nebah simbal, perengka musik ti betali, enggau belikan, ba Rumah Jehovah, Petara ti bendar.
Asaf, Jedutun, enggau Heman di baruh iring raja.
7 Penyampau sida enggau bala sida ke udah dilatih belagu ke Jehovah nya 288 iku orang, lalu semua sida landik ba pengawa sida.
8 Sida bechabutka undi kena nentuka bagi pengawa sida, enda ngira sida nya agi biak tauka udah tuai, udah bisi pengelandik, tauka baru belajar.
9 Pemutus undi ti keterubah tekenaka Josep, iya nya anak Asaf; kedua Gedaliah, bala iya, enggau bala anak lelaki iya. Semua sida 12 iku;
10 ketiga Zakur, bala anak lelaki iya, enggau bala iya. Semua sida 12 iku;
11 keempat Seri, bala anak lelaki iya, enggau bala iya. Semua sida 12 iku;
12 kelima Netaniah, bala anak lelaki iya, enggau bala iya. Semua sida 12 iku;
13 keenam Bukiah, bala anak lelaki iya, enggau bala iya. Semua sida 12 iku;
14 ketujuh Asarelah, bala anak lelaki iya, enggau bala iya. Semua sida 12 iku;
15 kelapan Jesayah, bala anak lelaki iya, enggau bala iya. Semua sida 12 iku;
16 kesemilan Mataniah, bala anak lelaki iya, enggau bala iya. Semua sida 12 iku;
17 ke-10 Shimei, bala anak lelaki iya, enggau bala iya. Semua sida 12 iku;
18 ke-11 Azarel, bala anak lelaki iya, enggau bala iya. Semua sida 12 iku;
19 ke-12 Hasabiah, bala anak lelaki iya, enggau bala iya. Semua sida 12 iku;
20 ke-13 Subael, bala anak lelaki iya, enggau bala iya. Semua sida 12 iku;
21 ke-14 Matitiah, bala anak lelaki iya, enggau bala iya. Semua sida 12 iku;
22 ke-15 Jerimot, bala anak lelaki iya, enggau bala iya. Semua sida 12 iku;
23 ke-16 Hananiah, bala anak lelaki iya, enggau bala iya. Semua sida 12 iku;
24 ke-17 Josbekasah, bala anak lelaki iya, enggau bala iya. Semua sida 12 iku;
25 ke-18 Hanani, bala anak lelaki iya, enggau bala iya. Semua sida 12 iku;
26 ke-19 Maloti, bala anak lelaki iya, enggau bala iya. Semua sida 12 iku;
27 ke-20 Eliatah, bala anak lelaki iya, enggau bala iya. Semua sida 12 iku;
28 ke-21 Hotir, bala anak lelaki iya, enggau bala iya. Semua sida 12 iku;
29 ke-22 Gidalti, bala anak lelaki iya, enggau bala iya. Semua sida 12 iku;
30 ke-23 Mahasiot, bala anak lelaki iya, enggau bala iya, semua sida 12 iku;
31 ke-24 Romamti-eser, bala anak lelaki iya, enggau bala iya. Semua sida 12 iku.
Nota Kaki
^ Tauka “harp.” Sebengkah perengka musik ke betali baka gitar, tang gamal iya enda sebaka enggau gitar.
