Bansa Israel ti Kesatu 3:1-24
3 David bisi beberapa iku anak lelaki ba Hebron: Anak iya ke tuai nya Amnon, indai iya benama Ahinoam ari Jesril; anak iya ti kedua nya Daniel, indai iya benama Abigail ari Karmel;
2 anak iya ti ketiga benama Absalom, ke diadaka Maakah, iya nya anak indu Raja Talmai ari Gesur; anak iya ti keempat benama Adonijah, ke diadaka Hagit;
3 anak iya ti kelima benama Sepatiah, indai iya benama Abital; lalu anak iya ti keenam benama Itrim, indai iya benama Eglah.
4 Nya meh semua enam iku anak David ke ada ba Hebron. Ba Hebron, iya merintah pengelama 7 taun setengah, lalu ba Jerusalem iya merintah pengelama 33 taun.
5 Tu meh anak David ke ada ba Jerusalem: Shimea, Sobap, Natan, enggau Solomon. Indai sida benama Batseba, iya nya anak indu Amil.
6 David mega bisi semilan iku anak ke bukai, iya nya Ibar, Elisama, Elipelet,
7 Nogah, Nefek, Japia,
8 Elisama, Eliada, enggau Elipelet.
9 Semua sida nya anak lelaki David. Kelimpah ari nya, David bisi siku anak indu ke benama Tamar. David mega bisi anak bukai ari bala gundik iya.
10 Anak lelaki Solomon nya Rehoboam. Anak lelaki Rehoboam nya Abijah. Anak lelaki Abijah nya Assa. Anak lelaki Assa nya Jehosapat.
11 Anak lelaki Jehosapat nya Jehoram. Anak lelaki Jehoram nya Ahasiah. Anak lelaki Ahasiah nya Jehoas.
12 Anak lelaki Jehoas nya Amasiah. Anak lelaki Amasiah nya Asariah. Anak lelaki Asariah nya Jotam.
13 Anak lelaki Jotam nya Ahas. Anak lelaki Ahas nya Hesekiah. Anak lelaki Hesekiah nya Manasi.
14 Anak lelaki Manasi nya Amon. Anak lelaki Amon nya Josiah.
15 Josiah bisi beberapa iku anak lelaki. Iya ke tuai nya Johanan. Udah nya, Jehoyakim, Sedekiah, enggau Salum.
16 Anak lelaki Jehoyakim nya Jekoniah. Anak lelaki Jekoniah nya Sedekiah.
17 Lebuh Jekoniah dijil, iya mega bisi beberapa iku anak lelaki ke bukai. Tu meh nama sida: Sheltil,
18 Malkiram, Pedayah, Senesar, Jekamiah, Hosama, enggau Nedabiah.
19 Bala anak lelaki Pedayah nya Serubabel enggau Shimei. Anak lelaki Serubabel nya Mesulam enggau Hananiah, lalu anak indu Serubabel nya Selomit.
20 Iya mega bisi lima iku anak lelaki ke bukai, iya nya Hasubah, Ohel, Berekiah, Hasadiah, enggau Jusap-heset.
21 Bala anak lelaki Hananiah nya Pelatiah enggau Jesayah. Anak lelaki Jesayah nya Repayah. Anak lelaki Repayah nya Arnan. Anak lelaki Arnan nya Obadiah. Anak lelaki Obadiah nya Sekaniah.
22 Sekaniah bisi siku anak lelaki enggau beberapa iku uchu. Anak Sekaniah nya benama Semayah, lalu bala anak lelaki Semayah nya Hatus, Igal, Bariah, Niriah, enggau Sapat. Semua sida iya enam iku.
23 Niriah bisi tiga iku anak lelaki, iya nya Elionai, Hiskiah, enggau Asrikam.
24 Elionai bisi tujuh iku anak lelaki, iya nya Hadobiah, Eliasip, Pelayah, Akup, Johanan, Delayah, enggau Anani.
