Bansa Israel ti Kesatu 4:1-43
4 Bala anak lelaki Judah nya Peres, Hesron, Karmi, Hur enggau Sobal.
2 Riayah anak Sobal nya apai Jahat. Jahat nya apai Ahumai enggau Lahat. Semua sida nya ruang bilik orang Zora.
3 Tu meh bala anak lelaki orang ke nirika* kuta Etam: Jesril, Isma, Itbas (nama menyadi indu sida Haselelponi),
4 Penuel, enggau Eser. Penuel nya apai Gedor, lalu Eser nya apai Husah. Sida anak lelaki Hur. Hur nya anak tuai Epratah sereta apai Betlehem.
5 Ashur nya apai Tekoa. Ashur bisi dua iku bini, iya nya Helah enggau Narah.
6 Narah ngadaka Ahusam, Heper, Temeni, enggau Hahastari. Semua sida nya anak lelaki Narah.
7 Anak lelaki Helah nya Seret, Izhar, enggau Etnan.
8 Kos nya apai Anup enggau Sobebah. Kos mega nyadi moyang ke peturun Aharhel anak Harum.
9 Jabes lebih agi dipebasa ari bala menyadi iya. Indai iya madahka: “Aku balat pedis ngadaka iya,” nya alai iya diberi nama Jabes.*
10 Jabes besampi ngagai Petara orang Israel: “Awakka Nuan merekatka aku lalu meri aku mayuh agi tanah. Awakka Nuan seruran enggau aku lalu nyaga aku ari penusah ke tau ngemediska aku!” Nya alai, Petara ngamatka utai ti dipinta iya.
11 Kelup nya menyadi Suhah. Kelup mega apai Mehir. Mehir nya apai Eston.
12 Eston nya apai Bet-rapa, Paseah, enggau Tehinah. Tehinah nya apai Ir-nahas. Semua sida nya orang Rekah.
13 Anak lelaki Kenas nya Otnil enggau Serayah. Anak lelaki Otnil nya Hatat.
14 Meonotai nya apai Oprah, Serayah nya apai Joap, lalu Joap nya apai ke bala orang ke diau ba Ge-harasim.* Orang ke diau dia landik betukang.
15 Bala anak lelaki Kalep anak Jepuneh nya Iru, Elah, enggau Naam. Anak lelaki Elah nya Kenas.
16 Anak lelaki Jehalelel nya Sip, Sipah, Tiria, enggau Asarel.
17 Anak lelaki Esrah nya Jeter, Meret, Eper, enggau Jalon. Siku indu* ngandung lalu ngadaka Miriam, Samai, enggau Isbah. Isbah nya apai Estemoa.
18 Sida nya bala anak lelaki Bitiah. Bitiah nya anak indu Firaun* ke jadi enggau Meret. Bini Meret ke bansa Judah ngadaka Jeret, Heber, enggau Jekutil. Jeret nya apai Gedor, Heber nya apai Soko, lalu Jekutil nya apai Sanoah.
19 Bini Hodiah nya menyadi indu Naham. Bala anak lelaki Hodiah nya moyang* orang Garmi ke nirika kuta Keilah. Siku agi anak lelaki Hodiah nya Estemoa, iya nya orang Maakah.
20 Bala anak lelaki Simon nya Amnon, Rinah, Ben-hanan, enggau Tilon. Anak lelaki Ishi nya Sohet enggau Ben-sohet.
21 Judah nya apai Selah, lalu anak lelaki Selah nya Er enggau Ladah. Er nya apai Lekah, lalu Ladah nya apai Maresah. Peturun Asbea, iya nya ruang bilik* ke ngasilka kain ti alus mega datai ari peturun Selah.
22 Kelimpah ari nya, orang Koseba, Joas, Sarap, enggau Jokim (sida jadi enggau indu orang Moap), sereta Jasubi-lehem mega datai ari peturun Selah. Penerang tu nitihka utai ke ditulis kelia menya.
23 Sida diau ba Netaim enggau Gederah. Sida tu tukang periuk tanah ke gawa ke raja.
24 Bala anak lelaki Simion nya Nemuel, Jamin, Jarip, Zerah, enggau Shaul.
25 Shaul nya apai Salum. Salum nya apai Mipsam. Mipsam nya apai Misma.
26 Anak lelaki Misma nya Hamuel. Anak lelaki Hamuel nya Zakur. Anak lelaki Zakur nya Shimei.
27 Shimei bisi 16 iku anak lelaki enggau 6 iku anak indu. Tang, bala* Shimei nadai bisi mayuh anak lelaki. Nadai siti ruang bilik ari raban bansa Simion pan ke bisi mayuh anak lelaki baka raban bansa Judah.
28 Sida diau ba Beer-sheba, Moladah, Hasar-sual,
29 Bilhah, Esem, Tolat,
30 Bituel, Hormah, Siklak,
31 Bet-markabot, Hasar-susim, Bet-biri, enggau Saraim. Nya meh kuta-kuta alai sida diau sampai David berengkah nyadi raja.
32 Sida mega diau ba lima iti kuta ke bukai, iya nya Etam, Ain, Rimon, Token, enggau Asan.
33 Semua kampung sida ngelingi kuta-kuta nya nyentuk ngagai kuta Baal. Nya meh tusut peturun sida sereta endur alai sida diau.
34 Tu bala tuai ruang bilik sida: Mesobap, Jamlek, Josah anak Amasiah,
35 Joel, Jehu (Jehu nya anak Josibiah, Josibiah nya anak Serayah, lalu Serayah nya anak Asiel),
36 Elionai, Jakobah, Jesohayah, Asayah, Adiel, Jesimil, Benayah,
37 enggau Sisa (Sisa nya anak Sipi, Sipi nya anak Alon, Alon nya anak Jedayah, Jedayah nya anak Simri, lalu Simri nya anak Semayah).
38 Au, sida nya bala tuai dalam ruang bilik sida, lalu ruang bilik aki ini sida majak mayuh.
39 Sida ngagai jalai ke nuju kuta Gedor, iya nya tunga ke timur lebak siti, deka ngiga padang rumput ke jelu tupi sida.
40 Pengujung iya, sida tetemuka padang rumput ti manah sereta subur. Menua nya besai, likun, sereta nadai utai ngachau. Sebedau tu, orang Ham diau ba dia.
41 Orang ke udah disebut nama tadi datai ngerusak abis kem orang Ham enggau orang Miunim maya jeman Hesekiah, raja Judah. Sampai ke seharitu, nadai siku pan ari sida ke agi diau dia. Peturun Simion berengkah diau dia laban ba dia bisi padang rumput ke jelu tupi sida.
42 Bisi 500 iku orang ari peturun Simion mupuk ngagai Gunung Seir. Sida diuluka bala anak lelaki Ishi, iya nya Pelatiah, Niriah, Repayah, enggau Uziel.
43 Sida munuh semua orang Amalek ke udah ngerarika diri, lalu sida mengkang diau dia nyentukka seharitu.
Nota Kaki
^ Jaku Asal, “apai.”
^ Nama Jabes bekaul enggau leka jaku Hebrew ke mai reti “pedis.”
^ Reti nya “Lebak Tukang.”
^ Engka merujuk ngagai Bitiah ba ayat 18.
^ Gelar ke diberi ngagai raja Ejip.
^ Jaku Asal, “apai.”
^ Jaku Asal, “rumah.”
^ Tauka “bala peturun Simion ke bukai.”
