Bansa Israel ti Kesatu 9:1-44
9 Semua orang Israel direjista nitihka tusut peturun sida, lalu ditulis dalam Bup Bala Raja Israel. Orang Judah dibuai ngagai Babilon laban sida enda setia.
2 Bala ti keterubah ke pulai ari Babilon ngagai kuta sida empu, iya nya bala imam, orang Lewi, bala orang ke gawa ba Rumah Sembiang* sereta sekeda ari orang Israel.
3 Sekeda ari peturun Judah, peturun Benjamin, peturun Efraim, enggau peturun Manasi diau ba Jerusalem.
4 Tu nama bala sida: Yutai, ari peturun Peres anak Judah (Yutai nya anak Amihut, Amihut nya anak Omri, Omri nya anak Imri, Imri nya anak Bani),
5 Asayah enggau bala anak lelaki iya ari peturun Siloh (Asayah nya anak tuai dalam ruang bilik iya),
6 sereta Juel enggau 690 iku bala sida ari peturun Zerah.
7 Ari peturun Benjamin bisi Salu (Salu nya anak Mesulam, Mesulam nya anak Hodabiah, lalu Hodabiah nya anak Hasenuah),
8 Ibneah (Ibneah nya anak Jeroham), Elah (Elah nya anak Usi, lalu Usi nya anak Mikri), sereta Mesulam (Mesulam nya anak Sepatiah, Sepatiah nya anak Reuel, lalu Reuel nya anak Ibnijah).
9 Semua penyampau bala sida bisi 956 iku enti nitihka lis tusut peturun sida, lalu semua sida nya tuai suku.
10 Ari bala imam, bisi Jedayah, Jehoyarip, Jachin,
11 Asariah (Asariah nya anak Hilkiah, Hilkiah nya anak Mesulam, Mesulam nya anak Sadok, Sadok nya anak Merayot, lalu Merayot nya anak Ahitup, iya nya tuai ba Rumah Petara ti bendar),
12 Adayah (Adayah nya anak Jeroham, Jeroham nya anak Pasur, lalu Pasur nya anak Malkijah), Masai (Masai nya anak Adiel, Adiel nya anak Jahserah, Jahserah nya anak Mesulam, Mesulam nya anak Mesilemit, lalu Mesilemit nya anak Imer),
13 sereta 1,760 iku bala sida. Semua sida nya tuai suku ti kering sereta ulih dikearapka gawa ba Rumah Petara ti bendar.
14 Ari orang Lewi, iya nya peturun Merari, bisi Semayah (Semayah nya anak Hasup, Hasup nya anak Asrikam, lalu Asrikam nya anak Hasabiah),
15 Bakbakar, Heres, Galal, Mataniah (Mataniah nya anak Mika, Mika nya anak Sikri, lalu Sikri nya anak Asaf),
16 Obadiah (Obadiah nya anak Semayah, Semayah nya anak Galal, lalu Galal nya anak Jedutun), sereta Berekiah (Berekiah nya anak Assa, lalu Assa nya anak Elkanah. Iya diau ba kampung orang Netopah.)
17 Sida ke nyaga pintu penama kuta nya Salum, Akup, Talmon, enggau Ahiman. Salum, ke mega bala sida, nyadi tuai sida.
18 Iya kala nyaga pintu kuta raja tunga ke timur. Tu bala orang Lewi ke nyaga pintu:
19 Salum (Salum nya anak Kore, Kore nya anak Ebiasap, lalu Ebiasap nya anak Korah) sereta bala lelaki ari suku iya, iya nya suku Korah, nyaga pintu penama Langkau Sembiang Petara. Bala aki sida kelia nyaga Langkau Sembiang Jehovah sereta nyaga pintu penama Langkau Sembiang nya.
20 Suba, Pinehas anak Eleasar nya tuai sida, lalu Jehovah bisi enggau iya.
21 Sekariah anak Meselemiah nya orang ke nyaga pintu penama langkau gempuru.
22 Semua penyampau sida ke dipilih nyadi orang ke nyaga pintu penama bisi 212 iku orang. Sida diau ba kampung sida empu, nitihka tusut peturun sida. Moyang sida udah dilantik David enggau Nabi* Samuel bejalaika pengawa nya laban sida ulih dikearapka.
23 Sida enggau bala anak lelaki sida betanggungjawap nyaga pintu Rumah Jehovah, iya nya Langkau Sembiang Iya.
24 Sida nyaga pintu tunga ke utara, selatan, timur, enggau barat.
25 Bala sida deka datai ari kampung lalu gawa enggau sida pengelama tujuh hari.
26 Bisi empat iku orang Lewi ke diasuh nyadi tuai bala orang ke nyaga pintu. Sida ulih dikearapka lalu diasuh nyaga bilik* sereta endur nyimpan reta ba Rumah Petara ti bendar.
27 Sida nyaga Rumah Petara ti bendar sereta nyaga kunchi pintu Rumah nya. Maya malam hari, sida deka bejaga ngelingi Rumah nya. Lalu maya pagi hari, sida deka muka pintu Rumah nya.
28 Sekeda ari sida betanggungjawap nyaga pekekas ke dikena ba pengawa sembah. Sida deka ngitung penyampau pekekas ke dibai ke luar sereta penyampau pekekas ke dipulaika baru.
29 Bisi nya diasuh nyaga pekekas ke bukai, semua pekekas ti kudus, tepung ti alus, wain, minyak, menyan putih, enggau minyak balsam.*
30 Beberapa iku anak imam betanggungjawap nyampurka minyak balsam.
31 Siku orang Lewi ke benama Matitiah, iya nya anak tuai Salum ari peturun Korah, betanggungjawap nyediaka kuih ti nipis ke dipanggang ba kali ti rata.
32 Sekeda ari bala sida, ke ari peturun Kohat, nyediaka roti ti belapis.* Sida patut nyediaka roti nya ninting Hari Sabat.
33 Bisi mega bala penyanyi, iya nya bala tuai suku orang Lewi ke ba bilik.* Sida enda diberi pengawa bukai laban sida patut bejalaika pengawa sida siang enggau malam.
34 Bala tuai suku orang Lewi diau ba Jerusalem, lalu tu tusut peturun sida:
35 Jiel diau ba kuta Gibeon, lalu iya meh ke nirika kuta nya. Bini iya benama Maakah.
36 Anak tuai iya Apdon. Udah nya, Zur, Kish, Baal, Ner, Nadap,
37 Gedor, Ahio, Sekariah, enggau Miklot.
38 Miklot nya apai Simeam. Semua sida diau semak enggau bala sida ba Jerusalem, begulai enggau bala sida ke bukai.
39 Ner nya apai Kish. Kish nya apai Saul. Saul nya apai Jonatan, Malki-sua, Abinadap, enggau Esbaal.
40 Jonatan nya apai Merib-baal. Merib-baal nya apai Mikah.
41 Bala anak lelaki Mikah nya Piton, Melek, Tarea, enggau Ahas.
42 Ahas nya apai Jarah. Jarah nya apai Alemet, Asmabet, enggau Simri. Simri nya apai Mosa.
43 Mosa nya apai Binea. Binea nya apai Repayah. Repayah nya apai Eleasah. Eleasah nya apai Asel.
44 Asel bisi enam iku anak lelaki, iya nya Asrikam, Bokeru, Ismail, Seariah, Obadiah, enggau Hanan. Semua sida nya anak Asel.
Nota Kaki
^ Tauka “Netinim.” Jaku Asal, “orang ke diberi.”
^ Tauka “penasihat; penyanding penemu.” Ba ditu, iya merujuk ngagai orang ke nemu meda utai ti dipandangka Petara dalam runding iya.
^ Tauka “bilik-bilik makai.”
^ Peda Penerang Leka Jaku.
^ Iya nya, roti ti diberi ngagai Petara.
^ Tauka “bilik-bilik makai.”
