Ester 10:1-3
-
Pemesai kuasa Mordikai (1-3)
10 Raja Ahasurus ngasuh semua orang ke diau ba menua enggau pulau ke dipegai iya gawa ngereja pengawa ti berat. Sida mesti ngereja pengawa nya.
2 Semua pengawa ti besai ke udah mujur dikereja Mordikai sereta semua rekod pasal baka ni raja udah meri iya pangkat ti tinggi, bisi ditulis ba bup sejarah pasal jeman bala raja Media enggau Persia.
3 Mordikai, orang Judah nya, orang ke lumur dua bekuasa pengudah Raja Ahasurus. Entara semua orang Judah, iya meh ke bisi pangkat ti tinggi, lalu sida bebasaka iya. Iya bebendar ngereja utai ti manah ke bansa iya sereta nyaga utai ke diguna bala peturun sida.
