Josua 12:1-24
12 Orang Israel udah ngalahka raja lalu udah nguasa menua ba sepiak timur Sungai Jordan, iya nya ari Lebak Arnon nyentukka ngagai Gunung Hermon, nyengkaum semua begian timur Arabah.
2 Siku ari raja ke udah dialahka sida, iya nya Raja Sihon. Iya raja orang Amor ke diau ba Hesbon. Iya merintah kuta Aroer ke bisi ba tisi Lebak Arnon, lalu iya mega merintah setengah ari menua Gilead. Semua kawasan ari begian tengah Lebak Arnon nyentukka ngagai Lebak Jabok diempu iya magang. Lebak Jabok nya mega sempadan orang Amon.
3 Iya mega merintah serata kawasan timur Arabah, ari Danau Chineret* sampai ngagai Tasik Arabah, ke mega dikumbai Tasik Mati. Endur ke diperintah iya nyengkaum Bet-jesimot ke semak enggau Tasik Mati, sampai ngagai kaki Gunung Pisgah ba selatan.
4 Siku da agi raja ke dialahka orang Israel, iya nya Raja Og. Raja Og merintah Basan lalu iya diau ba Astarot enggau Edrei. Iya siku ari peturun Repaim kepenudi.
5 Iya merintah Gunung Hermon, Salekah, enggau serata menua Basan nyentukka ngagai sempadan orang Gesur enggau orang Maakah. Iya mega merintah setengah ari menua Gilead nyentuk ngagai sempadan menua ke dipegai Raja Sihon ba Hesbon.
6 Nembiak Jehovah, iya nya Moses, enggau bala orang Israel ngalahka dua iku raja nya. Pengudah nya, nembiak Jehovah, Moses, meri menua ke dipegai raja nya ngagai raban bansa Reuben, raban bansa Gat, enggau setengah ari raban bansa Manasi.
7 Ba sepiak barat Sungai Jordan, Josua enggau orang Israel udah ngalahka semua raja ari Baal-gat ba Lebak Lebanon sampai ngagai Gunung Halak ke semak enggau Seir. Josua magi menua ke dipegai bala raja nya, lalu raban bansa orang Israel nerima menua nya ke bisi ba
8 kawasan gunung, ba Shefilah, ba Arabah, ba lereng gunung, ba menua puang, enggau ba Negeb. Semua tu menua orang Het, orang Amor, orang Kanaan, orang Peris, orang Ibi, enggau orang Jebus. Tu bala raja sida:
9 raja Jeriko, siku; raja Eyai ke ba sepiak Bethel, siku;
10 raja Jerusalem, siku; raja Hebron, siku;
11 raja Jarmut, siku; raja Lakis, siku;
12 raja Eglon, siku; raja Geser, siku;
13 raja Debir, siku; raja Geder, siku;
14 raja Hormah, siku; raja Arat, siku;
15 raja Libnah, siku; raja Adulam, siku;
16 raja Makedah, siku; raja Bethel, siku;
17 raja Tapuah, siku; raja Heper, siku;
18 raja Afek, siku; raja Lasaron, siku;
19 raja Madon, siku; raja Hasor, siku;
20 raja Simron-meron, siku; raja Aksap, siku;
21 raja Taanak, siku; raja Megido, siku;
22 raja Kedes, siku; raja Joknim ba Karmel, siku;
23 raja Dor ba lereng bukit Dor, siku; raja Goim ba Gilgal, siku;
24 raja Tirsah, siku; semua sekali bisi 31 iku raja.
Nota Kaki
^ Iya nya, Danau Genesaret tauka Danau Galili.
