Josua 15:1-63
15 Pengudah bechabutka undi, tiap iti suku raban bansa Judah nerima menua sida. Pemesai menua nya nyentuk ngagai sempadan Edom, menua puang Zin, sampai ngagai ujung selatan Negeb.
2 Sempadan menua sida ba selatan berengkah ari ujung Tasik Mati, iya nya ari teluk ke ba selatan tasik nya.
3 Sempadan nya terus ngagai selatan nuju ngagai lereng Gunung Akrabim enggau ngagai Zin. Lalu udah nya, ari selatan niki ngagai Kades-barnea, terus mansang ngagai Hesron, Adar, sampai ngagai Karka.
4 Sempadan nya terus nuju ngagai Asmon, Wadi* Ejip, lalu ngetu ba Tasik Tengah.* Nya meh sempadan menua sida ba selatan.
5 Ba sepiak timur, sempadan menua sida ba Tasik Mati, lalu terus ke atas ngagai begian ujung Sungai Jordan ke betemu enggau Tasik Mati. Ba sepiak utara, sempadan menua sida berengkah ari teluk Tasik Mati ba ujung Sungai Jordan,
6 lalu nuju ngagai Bet-hoglah, mansa utara Bet-arabah, lalu niki ngagai Batu Bohan. (Bohan nya ari peturun Reuben.)
7 Sempadan nya terus niki ngagai Debir ba Lebak Akor, lalu ngagai utara nuju ngagai Gilgal, ke ba depan Lereng Adumim, ba selatan wadi. Sempadan nya terus ngagai Pun Penatai Ai En-shemes lalu ngetu ba En-rogel.
8 Sempadan nya terus nuju ngagai Lebak Hinom sampai ngagai begian selatan lereng gunung orang Jebus, iya nya Jerusalem. Ari endur nya, sempadan nya terus nuju ngagai tuchung gunung ke bisi ba begian barat Lebak Hinom. Tuchung gunung nya bisi ba ujung begian utara Lebak Repaim.
9 Ari tuchung gunung nya, sempadan nya nuju ngagai Pun Penatai Ai Neptoah, ngagai kuta-kuta ba Gunung Epron, lalu nuju ngagai Baalah, iya nya Kiriat-jearim.
10 Ari Baalah, sempadan nya nuju ngagai Gunung Seir ba barat, lalu ngagai lereng Gunung Jearim ba utara, iya nya Kesalon. Udah nya, iya nurun ngagai Bet-shemes lalu terus nuju ngagai Timnah.
11 Ari endur nya, sempadan nya terus nuju ngagai Lereng Ekron ba utara, ngagai Sikeron, ngagai Gunung Baalah, ngagai Jabnil, lalu ngetu ba tasik.
12 Ba begian barat, tebing Tasik Tengah* nyadi sempadan menua sida. Nya meh semua sempadan menua ke diberi ngagai peturun Judah, nitihka suku raban bansa sida.
13 Baka ke udah diasuh Jehovah, Josua udah meri sebagi ari menua peturun Judah ngagai Kalep anak Jepuneh. Iya meri Kiriat-arba, iya nya Hebron, ngagai Kalep. (Arba nya apai Enak.)
14 Nya alai, Kalep muru tiga iku anak lelaki Enak ari endur nya, iya nya Sheshai, Ahiman, enggau Talmai. Sida iya orang Enakim.
15 Udah nya, iya mupuk ari endur nya lalu nyerang orang Debir. (Suba Debir dikumbai Kiriat-seper.)
16 Ku Kalep madahka: “Barang sapa ke nyerang Kiriat-seper lalu ulih nguasa kuta nya, aku deka meri anak aku, Aksah, nyadika bini iya.”
17 Nyadi, Otnil anak Kenas, iya nya anak menyadi Kalep, mujur nguasa kuta nya, lalu Kalep meri iya Aksah nyadika bini iya.
18 Lebuh Aksah dalam pejalai pulai ke rumah, iya bebendar ngasuh laki iya minta tanah ari apai iya, Kalep. Aksah nurun ari keledai* iya lalu Kalep nanya iya: “Nama utai ke ka dipinta nuan?”
19 Ku iya nyaut: “Apai, berekat meh aku. Laban nuan udah meri aku tanah ba begian selatan,* beri meh aku Gulot-maim* mega.” Nyadi, Kalep pan meri iya Gulot Atas enggau Gulot Baruh.
20 Tu meh menua ke nyadi pesaka raban bansa Judah, nitihka suku raban bansa sida.
21 Tu meh kuta-kuta raban bansa Judah ke paling jauh ba selatan, ke semak enggau sempadan Edom: Kabsel, Eder, Jagur,
22 Kinah, Dimonah, Adadah,
23 Kedes, Hasor, Itnan,
24 Sip, Telem, Bealot,
25 Hasor-hadata, Keriot-hesron, iya nya Hasor,
26 Amam, Shema, Moladah,
27 Hasar-gadah, Hesmon, Bet-pelet,
28 Hasar-sual, Beer-sheba, Bisiotiah,
29 Baalah, Im, Esem,
30 Eltolat, Chesil, Hormah,
31 Siklak, Madmana, Sansana,
32 Lebaot, Silhim, Ain, enggau Rimon. Semua nya bisi 29 iti kuta enggau kampung.
33 Ba Shefilah: Estaol, Sorah, Asnah,
34 Sanoah, En-ganim, Tapuah, Ehnam,
35 Jarmut, Adulam, Sokoh, Asekah,
36 Saraim, Aditaim, Gederah, enggau Gederotaim.* Semua nya bisi 14 iti kuta enggau kampung.
37 Senan, Hadasah, Mikdal-gat,
38 Dilean, Mispeh, Joktil,
39 Lakis, Boskat, Eglon,
40 Kabon, Lahmam, Chitlis,
41 Gederot, Bet-dagon, Naamah, enggau Makedah. Semua nya bisi 16 iti kuta enggau kampung.
42 Libnah, Eter, Asan,
43 Iptah, Asnah, Nesib,
44 Keilah, Aksip, enggau Maresah. Semua nya bisi semilan iti kuta enggau kampung.
45 Ekron enggau kuta-kuta mit sereta kampung ke ngelingi iya;
46 ari Ekron ngagai begian barat, semua kawasan ke semak enggau Asdod enggau kampung-kampung ke ngelingi iya.
47 Asdod enggau kuta-kuta mit sereta kampung ke ngelingi iya; Gaza enggau kuta-kuta mit sereta kampung ke ngelingi iya, sampai ngagai Wadi Ejip, Tasik Tengah,* enggau kawasan tebing tasik nya.
48 Ba kawasan gunung: Samir, Jatir, Sokoh,
49 Danah, Kiriat-sana, iya nya Debir,
50 Anap, Estemoh, Anim,
51 Gosen, Holon, enggau Giloh. Semua nya bisi 11 iti kuta enggau kampung.
52 Arab, Dumah, Esan,
53 Janim, Bet-tapuah, Afeka,
54 Humtah, Kiriat-arba, iya nya Hebron, enggau Zior. Semua nya bisi semilan iti kuta enggau kampung.
55 Maon, Karmel, Sip, Jutah,
56 Jesril, Jokdim, Sanoah,
57 Ken, Gibeah, enggau Timnah. Semua nya bisi 10 iti kuta enggau kampung.
58 Halhul, Bet-sur, Gedor,
59 Maarat, Bet-anot, enggau Eltekon. Semua nya bisi enam iti kuta enggau kampung.
60 Kiriat-baal, iya nya Kiriat-jearim, enggau Rabah. Semua nya bisi dua iti kuta enggau kampung.
61 Ba menua puang: Bet-arabah, Midin, Sekaka,
62 Nibsan, Kuta Garam, enggau En-gedi. Semua nya bisi enam iti kuta enggau kampung.
63 Bala lelaki ari raban bansa Judah enda ulih muru orang Jebus ke diau ba Jerusalem. Nya meh kebuah orang Jebus agi diau begulai enggau raban bansa Judah ba Jerusalem sampai ke seharitu.
Nota Kaki
^ Peda Penerang Leka Jaku.
^ Iya nya, Tasik Mediterranean.
^ Iya nya, Tasik Mediterranean.
^ Tauka engka, “Aksah nempik jari lebuh nepan keledai.”
^ Tauka “Negeb.”
^ Reti nya “Kawasan ke Mayuh Ai.”
^ Tauka engka, “Gederah, enggau kandang jelu bedus ke ngelingi iya.”
^ Iya nya, Tasik Mediterranean.
