Josua 19:1-51
19 Pengudah bechabutka undi kali kedua, raban bansa Simion nerima tanah pesaka nitihka suku raban bansa sida. Menua ke diterima sida ba kawasan raban bansa Judah.
2 Sida nerima Beer-sheba, Sheba, Moladah,
3 Hasar-sual, Balah, Esem,
4 Eltolat, Betul, Hormah,
5 Siklak, Bet-markabot, Hasar-susah,
6 Bet-lebaot, enggau Saruhen. Semua nya bisi 13 iti kuta enggau kampung.
7 Ain, Rimon, Eter, enggau Asan. Semua nya bisi empat iti kuta enggau kampung.
8 Sida mega nerima semua kampung ke ngelingi kuta-kuta nya sampai ngagai Baalat-beer, iya nya Ramah ba selatan. Nya meh tanah pesaka ke diterima raban bansa Simion nitihka suku raban bansa sida.
9 Ketegal menua raban bansa Judah kelalu besai, nya alai raban bansa Simion ngambi sebagi ari kawasan sida. Nyadi, raban bansa Simion nerima tanah pesaka ba menua raban bansa Judah.
10 Pengudah bechabutka undi kali ketiga, raban bansa Sebulun nerima tanah pesaka nitihka suku raban bansa sida. Sempadan tanah pesaka sida sampai ngagai Sarid.
11 Sempadan sida nuju ngagai barat, ngagai Marial, ngagai Dabeset, lalu ngagai lebak ke ba depan Joknim.
12 Ari Sarid, sempadan nya nuju ke timur, tunga ngagai endur mata panas tumbuh, ngagai sempadan Kislot-tabor, ngagai Daberat, lalu niki ngagai Japia.
13 Ari endur nya, sempadan nya terus nuju ngagai timur, ngagai Gat-heper, Et-kasin, Rimon, enggau Neah.
14 Ba utara, sempadan nya nuju ngagai Hanaton lalu ngetu ba Lebak Iptah-el.
15 Sida mega nerima Katat, Nahalal, Simron, Idalah, enggau Betlehem. Semua nya bisi 12 iti kuta enggau kampung.
16 Nya meh tanah pesaka, kuta, enggau kampung ke diempu raban bansa Sebulun, nitihka suku raban bansa sida.
17 Pengudah bechabutka undi kali keempat, raban bansa Isakar nemu ni bagi begian ke deka diterima sida enggau suku raban bansa sida.
18 Sempadan menua sida sampai ngagai Jesril, Chesulot, Sunem,
19 Haparaim, Shion, Anaharat,
20 Rabit, Kision, Ebes,
21 Remet, En-ganim, En-hadah, enggau Bet-pasis.
22 Sempadan nya mega nuju ngagai Tabor, Sahasumah, enggau Bet-shemes, lalu ngetu ba Sungai Jordan. Semua nya bisi 16 iti kuta enggau kampung.
23 Nya meh tanah pesaka, kuta, enggau kampung ke diempu raban bansa Isakar, nitihka suku raban bansa sida.
24 Pengudah bechabutka undi kali kelima, raban bansa Aser nemu ni bagi begian ke deka diterima sida enggau suku raban bansa sida.
25 Tu meh sempadan menua sida: Helkat, Hali, Beten, Aksap,
26 Alamelek, Amad, enggau Misal. Sempadan nya nuju ngagai barat, ngagai Karmel, lalu ngagai Sihor-libnat.
27 Udah nya, sempadan nya pulai baru ngagai timur, ngagai Bet-dagon, ngagai Sebulun, ngagai begian utara Lebak Iptah-el, Bet-emek, enggau Neiel. Sempadan nya nuju ngagai begian kiba Kabul,
28 Ebron, Rehop, Hamon, Kanah nyentuk ngagai Sidon ti Besai.
29 Udah nya, sempadan nya pulai baru ngagai Ramah sampai ngagai kuta Tirus ke dikelingi dinding ti teguh. Sempadan nya pulai baru ngagai Hosah, lalu ngetu ba tasik ba kawasan Aksip,
30 Umah, Afek, enggau Rehop. Semua nya bisi 22 iti kuta enggau kampung.
31 Nya meh tanah pesaka, kuta, enggau kampung ke diempu raban bansa Aser, nitihka suku raban bansa sida.
32 Pengudah bechabutka undi kali keenam, raban bansa Naptali nemu ni bagi begian ke deka diterima sida enggau suku raban bansa sida.
33 Sempadan sida berengkah ari Helep enggau pun kayu ti besai ba Sananim, lalu nuju ngagai Adami-nekep, Jabnil, Lakum, lalu ngetu ba Sungai Jordan.
34 Sempadan nya pulai baru ngagai barat, ngagai Asnot-tabor, lalu nuju ngagai Hukok, ngagai Sebulun ke ba selatan, ngagai Aser ke ba barat, lalu ngagai Judah ke ba Sungai Jordan ba sepiak timur.
35 Sida mega nerima kuta-kuta ke dikelingi dinding ti teguh, iya nya Sidim, Ser, Hamat, Rakat, Chineret,
36 Adamah, Ramah, Hasor,
37 Kedes, Edrei, En-hasor,
38 Yiron, Migdal-el, Horem, Bet-anat, enggau Bet-shemes. Semua nya bisi 19 iti kuta enggau kampung.
39 Nya meh tanah pesaka, kuta, enggau kampung ke diempu raban bansa Naptali, nitihka suku raban bansa sida.
40 Pengudah bechabutka undi kali ketujuh, raban bansa Dan nemu ni bagi begian ke deka diterima sida enggau suku raban bansa sida.
41 Tu meh sempadan menua sida: Sorah, Estaol, Ir-shemes,
42 Saalabin, Aijalon, Itlah,
43 Elon, Timnah, Ekron,
44 Eltekeh, Gibeton, Baalat,
45 Jehut, Bene-barak, Gat-rimon,
46 Me-jarkon, enggau Rakon, lalu sempadan nya mansa enda jauh ari Jopa.
47 Tang menua Dan kelalu sekut ke sida iya. Nya alai, sida nyerang kuta Leshem, ngalahka kuta nya, lalu munuh orang ba dia ngena pedang. Sida diau ba dia, lalu nukar nama kuta Leshem ngagai Dan, iya nya nama aki sida.
48 Nya meh tanah pesaka, kuta, enggau kampung ke diempu raban bansa Dan, nitihka suku raban bansa sida.
49 Sida pan tembu bebagika menua ke nyadi pesaka tiap iti raban bansa sida. Udah nya, orang Israel meri tanah pesaka ke bisi ba menua sida ngagai Josua anak Nun.
50 Baka ke diasuh Jehovah, orang Israel meri Josua kuta ke dipinta iya, iya nya Timnat-serah ke ba kawasan gunung Efraim. Udah nya, Josua nirika baru kuta nya, lalu diau ba dia.
51 Nya meh tanah pesaka ke dibagi Imam Eleasar, Josua anak Nun, enggau bala tuai suku raban bansa Israel, ngena chara bechabutka undi ba depan Jehovah. Sida iya ngereja nya ba Siloh, ba penama langkau gempuru. Nyadi, menua nya pan tembu dibagi sida.
