Josua 21:1-45
21 Bala tuai suku raban bansa Lewi betemu enggau Imam Eleasar, Josua anak Nun, enggau bala tuai suku raban bansa Israel.
2 Sida datai ngagai Siloh ba menua Kanaan lalu madahka: “Nengah Moses, Jehovah udah madahka ngambika kami diberi kuta-kuta endur diau, lalu pia mega bisi padang rumput endur jelu tupi kami.”
3 Nyadi, baka ke diasuh Jehovah, orang Israel meri kuta-kuta enggau padang rumput ke bisi ba tanah pesaka sida ngagai orang Lewi.
4 Pengudah bechabutka undi, suku raban bansa Kohat nemu ni bagi kuta ke deka diterima sida. Orang Lewi ari peturun Imam Aron bulih 13 iti kuta ari raban bansa Judah, raban bansa Simion, enggau raban bansa Benjamin.
5 Suku raban bansa Kohat ke bukai diberi 10 iti kuta ari raban bansa Efraim, raban bansa Dan, enggau setengah ari raban bansa Manasi.
6 Suku raban bansa Gerson diberi 13 iti kuta ari raban bansa Isakar, raban bansa Aser, raban bansa Naptali, enggau setengah ari raban bansa Manasi ba Basan.
7 Suku raban bansa Merari diberi 12 iti kuta ari raban bansa Reuben, raban bansa Gat, enggau raban bansa Sebulun.
8 Baka nya meh orang Israel bechabutka undi, lalu meri kuta-kuta enggau padang rumput ke ngelingi kuta nya ngagai orang Lewi, baka ke diasuh Jehovah nengah Moses.
9 Tu meh nama kuta-kuta ke diberi raban bansa Judah enggau raban bansa Simion.
10 Kuta-kuta tu diberi ngagai bala peturun Aron ke ari suku raban bansa Kohat ba raban bansa Lewi, laban sida meh ke dulu bulih begian sida pengudah bechabutka undi.
11 Sida iya diberi Kiriat-arba (Arba nya apai Enak), iya nya Hebron, ke ba kawasan gunung Judah, enggau padang rumput ke ngelingi kuta nya.
12 Tang, tanah enggau kampung ke ngelingi kuta nya diberi ngagai Kalep anak Jepuneh.
13 Bala peturun Imam Aron diberi Hebron enggau padang rumput kuta nya. Nya meh kuta endur pemunuh belindung. Sida mega diberi Libnah enggau padang rumput kuta nya,
14 Jatir enggau padang rumput kuta nya, Estemoa enggau padang rumput kuta nya,
15 Holon enggau padang rumput kuta nya, Debir enggau padang rumput kuta nya,
16 Ain enggau padang rumput kuta nya, Jutah enggau padang rumput kuta nya, sereta Bet-shemes enggau padang rumput kuta nya. Semua nya bisi semilan iti kuta ari dua iti raban bansa nya.
17 Ari raban bansa Benjamin: Gibeon enggau padang rumput kuta nya, Geba enggau padang rumput kuta nya,
18 Anatot enggau padang rumput kuta nya, sereta Almon enggau padang rumput kuta nya. Semua nya bisi empat iti kuta.
19 Nyadi, bala peturun Imam Aron nerima 13 iti kuta enggau padang rumput kuta nya. Nya meh semua kuta ke diberi ngagai sida.
20 Pengudah bechabutka undi, bala sida ke bukai ba suku raban bansa Kohat ari raban bansa Lewi, bulih kuta-kuta ari raban bansa Efraim.
21 Sida diberi Shikem enggau padang rumput kuta nya, ke ba kawasan gunung Efraim. Nya meh kuta endur pemunuh belindung. Sida mega diberi Geser enggau padang rumput kuta nya,
22 Kibzaim enggau padang rumput kuta nya, sereta Bet-horon enggau padang rumput kuta nya. Semua nya bisi empat iti kuta.
23 Ari raban bansa Dan: Eltekeh enggau padang rumput kuta nya, Gibeton enggau padang rumput kuta nya,
24 Aijalon enggau padang rumput kuta nya, sereta Gat-rimon enggau padang rumput kuta nya. Semua nya bisi empat iti kuta.
25 Ari setengah ari raban bansa Manasi: Taanak enggau padang rumput kuta nya, sereta Gat-rimon enggau padang rumput kuta nya. Semua nya bisi dua iti kuta.
26 Bala sida ke bukai ba suku raban bansa Kohat, nerima 10 iti kuta enggau padang rumput kuta nya. Nya meh semua kuta ke diberi ngagai sida.
27 Suku raban bansa Gerson ari raban bansa Lewi, nerima dua iti kuta ari setengah ari raban bansa Manasi. Sida nerima Golan ke ba Basan enggau padang rumput kuta nya, sereta Besterah enggau padang rumput kuta nya. Golan nya kuta endur pemunuh belindung.
28 Ari raban bansa Isakar: Kision enggau padang rumput kuta nya, Daberat enggau padang rumput kuta nya,
29 Jarmut enggau padang rumput kuta nya, sereta En-ganim enggau padang rumput kuta nya. Semua nya bisi empat iti kuta.
30 Ari raban bansa Aser: Misal enggau padang rumput kuta nya, Apdon enggau padang rumput kuta nya,
31 Helkat enggau padang rumput kuta nya, sereta Rehop enggau padang rumput kuta nya. Semua nya bisi empat iti kuta.
32 Ari raban bansa Naptali: Kedes ke ba Galili enggau padang rumput kuta nya, Hamot-dor enggau padang rumput kuta nya, sereta Kartan enggau padang rumput kuta nya. Semua nya bisi tiga iti kuta. Kedes nya kuta endur pemunuh belindung.
33 Suku raban bansa Gerson nerima 13 iti kuta enggau padang rumput kuta nya. Nya meh semua kuta ke diberi ngagai sida.
34 Orang Lewi ke bukai, iya nya sida ke ari suku raban bansa Merari, nerima kuta-kuta ari raban bansa Sebulun: Joknim enggau padang rumput kuta nya, Kartah enggau padang rumput kuta nya,
35 Dimnah enggau padang rumput kuta nya, sereta Nahalal enggau padang rumput kuta nya. Semua nya bisi empat iti kuta.
36 Ari raban bansa Reuben: Beser enggau padang rumput kuta nya, Jahas enggau padang rumput kuta nya,
37 Kedemot enggau padang rumput kuta nya, sereta Mepaat enggau padang rumput kuta nya. Semua nya bisi empat iti kuta.
38 Ari raban bansa Gat: Kuta endur pemunuh belindung, iya nya Ramot ke ba Gilead, enggau padang rumput kuta nya, Mahanaim enggau padang rumput kuta nya,
39 Hesbon enggau padang rumput kuta nya, sereta Jaser enggau padang rumput kuta nya. Semua nya bisi empat iti kuta.
40 Orang Lewi ke bukai, iya nya sida ke ari suku raban bansa Merari, nerima 12 iti kuta. Nya meh semua kuta ke diberi ngagai sida.
41 Ba kawasan orang Israel, semua kuta ke diterima orang Lewi bisi 48 iti kuta enggau padang rumput kuta nya.
42 Tiap iti kuta nya dikelingi padang rumput.
43 Nyadi, Jehovah meri orang Israel semua menua ke udah disemayaka Iya ngagai aki ini sida. Orang Israel pan ngambi menua nya lalu diau ba dia.
44 Jehovah meri sida pengelantang ba serata menua nya, baka ke udah disemayaka Iya ngagai aki ini sida. Nadai siku pan munsuh ulih ngalahka sida laban Jehovah udah nyerahka semua munsuh ngagai sida.
45 Ari semua utai manah ke udah disemayaka Jehovah ngagai orang Israel, nadai siti pan semaya nya enda dikeamatka Iya. Semua semaya Iya dikeamatka Iya magang.
